ព័ត៌មានអន្ដរជាតិ

ក្រោយកាន់អំណាចផ្លូវការ យោធាមីយ៉ាន់មី ត្រូវមើលឃើញថា បង្កើនការវាយប្រហារកាន់តែខ្លាំងលើជនស៊ីវិល

បានផុស

៧ នាទី មុន

នៅ

ថ្ងៃចន្ទ ២៧ កក្កដា ២០២៦

ដោយ

យោធាមីយ៉ាន់ម៉ា បានបង្កើនការវាយប្រហារយ៉ាងខ្លាំងទៅលើជនស៊ីវិល ចាប់តាំងពីរដ្ឋបាលថ្មីចូលកាន់តំណែងនៅក្នុងប្រទេស ដែលហែកហួរដោយសង្គ្រាមស៊ីលវិលចាប់តាំងពីផ្តួលរំលំរដ្ឋាភិបាលស៊ីវិលកាលពីដើមឆ្នាំ២០២១។ នេះបើយោងតាមអ្នកឃ្លាំមើលកការវិវឌ្ឍន៍នៃជម្លោះ លើកឡើងកាលពីថ្ងៃចន្ទ និងចុះផ្សាយដោយទីភ្នាក់ងារសារព័ត៌មានរ៉យទ័រ នៅថ្ងៃទី២៧ ខែកក្កដា ឆ្នាំ២០២៦ ។

គម្រោងទិន្នន័យទីតាំង និងព្រឹត្តិការណ៍ជម្លោះប្រដាប់អាវុធ(ACLED) លើកឡើងថា ការវាយប្រហារនេះគឺជាលទ្ធផលនៃយុទ្ធសាស្ត្រ ដាក់ចេញដោយប្រមុខយោធាថ្មីរបស់មីយ៉ាន់ម៉ា ឡើងកាន់តំណែងនៅចុងខែមីនា ក្នុងនាមជាអ្នកកាន់តំណែងមុនរបស់គាត់ ដែលត្រៀមខ្លួនក្លាយជាប្រធានាធិបតីរបស់ប្រទេស។

មេដឹកនាំនិងយោធាមីយ៉ាន់ម៉ា។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ACLED រៀបរាប់ថា៖ « ចាប់តាំងពីរបបយោធាដែលកំពុងកាន់អំណាចនៅមីយ៉ាន់ម៉ាបានរៀបចំរចនាសម្ព័ន្ធបញ្ជាការយោធាឡើងវិញនៅក្នុងខែមីនាមក ជនស៊ីវិលបានរងការគាបសង្កត់កាន់តែអាក្រក់ទៅៗ និងយុទ្ធនាការទម្លាក់គ្រាប់បែកតាមអាកាសកាន់តែខ្លាំងឡើង។ ការកែតម្រូវទាំងនេះរួមមានការដាក់ពង្រាយជាប្រចាំនូវក្រុមជំនាញដែលមានយន្តហោះចម្បាំង ២ ទៅ ៥គ្រឿង ដែលអនុវត្តការវាយប្រហារតាមអាកាសជាបន្តបន្ទាប់ ប្រឆាំងនឹងគោលដៅតែមួយ»។

យ៉ាងណា អ្នកនាំពាក្យរដ្ឋាភិបាលមីយ៉ាន់ម៉ាមិនបានឆ្លើយតបភ្លាមៗ លើបញ្ហានេះពីភ្នាក់ងារសារព័ត៌មាន Reuters នៅឡើយទេ។

ACLED ប្រមូលទិន្នន័យអំពីជម្លោះកំពុងបន្តរបស់ប្រទេសមីយ៉ាន់ម៉ាពីរបាយការណ៍ប្រព័ន្ធផ្សព្វផ្សាយ និងដៃគូក្នុងស្រុក ក៏ដូចជារបាយការណ៍របស់អង្គការសហប្រជាជាតិ ក្រុមត្រួតពិនិត្យអន្តរជាតិ និងអង្គការសិទ្ធិមនុស្សក្នុងស្រុក។

គួរបញ្ជាក់ថា ប្រទេសមីយ៉ាន់ម៉ាបានធ្លាក់ចូលទៅក្នុងភាពចលាចល បន្ទាប់ពីយោធាបានផ្តួលរំលំរដ្ឋាភិបាលជាប់ឆ្នោតរបស់ លោកស្រី អ៊ុងសាន ស៊ូជី ក្នុងខែកុម្ភៈ ឆ្នាំ២០២១ បង្កឱ្យមានសង្គ្រាមស៊ីវិល សម្លាប់មនុស្សប្រមាណ ១០០ ០០០នាក់ និងធ្វើឱ្យមនុស្សរាប់លាននាក់បាត់បង់ទីជម្រក។

ACLED និយាយថា៖ « ការលើកលែងទោសសម្រាប់ជនស៊ីវិលទំនងជាមិនកើតឡើងទេ ខណៈរបបយោធាផ្តោតការខិតខំប្រឹងប្រែងរបស់ខ្លួនលើការពង្រឹងការគ្រប់គ្រង បន្ទាប់ពីការផ្លាស់ប្តូររបស់មេដឹកនាំរដ្ឋប្រហារ លោក មីន អ៊ុង លាំង ពីមេបញ្ជាការយោធាទៅជាប្រធានាធិបតីស៊ីវិលក្នុងខែមេសា»៕

ណឺ មិនា

Related Topics:មីយ៉ាន់ម៉ា