ជីវិតកម្សាន្ដ

ត្រឹម១សប្តាហ៍Tho Meet បញ្ចេញ៣បទអបអរបុណ្យចូលឆ្នាំខ្មែរ

បានផុស

៥ years មុន

នៅ

ថ្ងៃចន្ទ ១ មីនា ២០២១

ដោយ

លោកTho Meetដែលត្រូវបានគេស្គាល់គ្រប់គ្នាថា ជាអ្នកនិពន្ធប្រចាំផលិតកម្មហង្សមាសត្រូវបានប្រភពបង្ហើបថា ប្រើពេលត្រឹមតែ១សប្ដាហ៍ប៉ុណ្ណោះលោកបានបញ្ចេញស្នាដៃបទចម្រៀងចំនួន៣បទឲ្យតារាចម្រៀង៣រូបខណៈមានរសជាតិប្លែកខុសពីបទចម្រៀងស្នាដៃមុនៗ។

ជាក់ស្តែងកាលពីថ្ងៃម្សិលមិញនេះលោកTho Meet បានចេញបទថ្មីឲ្យតារាចម្រៀងស្រីកញ្ញា ប៉ាច គឹមមួយ ដែលបទនោះមានចំណងជើងថា “គ្រាន់តែរើសប្ដីសោះម៉ែគិតបែកផ្សែង” ជាចង្វាក់ប្រជាប្រិយ ដែលប្រិយមិត្តជាច្រើនសរសើរថា ប្លែកពីរោះ ទាំងស្ទីលរបស់តារាចម្រៀង និងការថត មើលទៅប្លែកអារម្មណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានេះដែរកាលពីប៉ុន្មានថ្ងៃមុននេះ លោកក៏ទើបចេញបទថ្មីឲ្យតារាចម្រៀងលោក ចាន់ មករា និង រ៉ន ចាន់ឌីន បទ “ឆ្នាំថ្មីកុំជេរប្ដី” និងបទ “កត្តិកចាំស្នេហ៍”។ ដោយទាំង៣បទខាងលើសុទ្ធជាចង្វាក់ប្រជាប្រិយ។

លោក Tho Meet ឲ្យដឹងថា ទាំង៣បទខាងលើគឺលោកធ្វើជាពិសេសសម្រាប់ផ្ដល់ជូនប្រិយមិត្តសម្រាប់រាំលេងនាឱកាសបុណ្យចូលឆ្នាំប្រពៃណីជាតិខាងមុខនេះ។

អ្នកនិពន្ធបានអះអាងថា លោកបានត្រៀមបទជាច្រើនទៀតរួចរាល់ហើយ។ លោកថា នេះគឺបទសម្រាប់អបអរបុណ្យចូលឆ្នាំខ្មែរហើយតាមពិតគឺខ្ញុំមានបទច្រើនទៀត តែទើបចេញបាន៣បទនេះ តិចទៀត នឹងចេញបន្តបន្ទាប់ទៀត”។

ជាការកត់សម្គាល់កន្លងមកគេឧស្សាហ៍ឃើញ Th o Meetធ្វើតែបទចម្រៀងតែប្រភេទមនោសញ្ចេត នាប៉ុណ្ណោះឲ្យតារាចម្រៀងជាច្រើនដូចជា, នី រតនា ធែល ថៃ ,សុខ ស្រីនាង និង ប៉ាច គឹមមួយ ជាដើម ។ ប៉ុន្តែមួយរយៈចុងក្រោយនេះលោកបានប្ដូរស្ទើរ ១៨០ដឺក្រេដោយលោកបានរួមបញ្ចូលប្រភេទបទរសជាតិថ្មីទៀតជារបៀបបែបប្រជាប្រិយ ចង្វាក់កន្ទ្រឹមជាដើម៕

អត្ថបទ ៖ ចាន់រ៉ា