ជីវិតកម្សាន្ដ

ពិធីការិនី ថន លក្ខិណា បញ្ជាក់ប្រាប់ពីសុខភាពក្រោយតេស្តកូវីដ-១៩

បានផុស

៣ years មុន

នៅ

ថ្ងៃចន្ទ ១៥ មីនា ២០២១

ដោយ

តារាសម្តែងនិងពិធីការិនីទូរទស្សន៍ហង្សមាស ថន លក្ខិណា ក្រោយពេលសង្ស័យហើយទៅធ្វើតេស្តសំណាកដើម្បីរកជំងឺកូវីដ-១៩នោះឃើញថាជាលទ្ធផលលើកទី១ គឺអវិជ្ជមាន (Negative)។

ពិធីការិនីកញ្ញា ថន លក្ខិណា បានបញ្ជាក់ថា បន្ទាប់ពីនាងបានធ្វើតេស្តរកមេរោគកូវីដ-១៩លើកទី ១រួចហើយ ពេលនេះបានទទួលលទ្ធផលហើយ គឺអវិជ្ជមាន(Negative)រហូតមកដល់ពេលនេះកញ្ញាមានសុខភាពល្អធម្មតាប៉ុន្តែនៅតែបន្តធ្វើចត្តាឡីស័ករហូតគ្រប់១៤ថ្ងៃ និងតាមដានសុខភាពរងចាំធ្វើតេស្តលើកទី២តាមការណែនាំរបស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ថន លក្ខិណា បាននិយាយបន្តទៀតថា សូមអរគុណនូវរាល់ពាក្យពេចន៍ជូនពរនិងការព្រួយបារម្ភចំពោះនាងខ្ញុំ។ សូមជូនពរបងប្អូនជួបតែសំណាងល្អនិងជៀសផុតពីជំងឺកូវីដ-១៩។

សូមជម្រាបដែរថាគិតមកត្រឹមរសៀលថ្ងៃទី១៤ ខែមីនាឆ្នាំ២០២១គឺមានតារាសិល្បៈរបស់ខ្មែរដែលឆ្លងជំងឺកូវីដ-១៩មានចំនួន១១នាក់ហើយ ខណៈអ្នកសិល្បៈទាំងនេះកំពុងសម្រាកព្យាបាលយ៉ាងយកចិត្តទុកដាក់ពីសំណាក់ក្រុមគ្រូពេទ្យជំនាញ។

យ៉ាងណាមិញបច្ចុប្បន្នក្រៅតែអ្នកដែលឆ្លងទាំង១១រូបនេះក៏មានអ្នកដែលជាប់ពាក់ព័ន្ធមួយចំនួនទៀតកំពុងតែតាមដាននិងពិនិត្យសំណាកដើម្បីតេស្តរកជំងឺកូវីដ- ១៩ហើយធ្វើចត្តាឡីស័ករយៈ១៤ថ្ងៃផងដែរ៕

អត្ថបទ ៖ចាន់រ៉ា