Connect with us

ព័ត៌មានអន្ដរជាតិ

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

បានផុស

នៅ

ហាងឆេងតម្លៃប្រេងសាំងពិភពលោកនៅថ្ងៃព្រហស្បតិ៍នេះនៅតែបង្ហាញសញ្ញាវិជ្ជមាន ពោលបន្តធ្លាក់ច្រើនគួរសមដែរ ដោយសារតែធនាគារកណ្ដាលអាមេរិក (Fed) រក្សាអត្រាការប្រាក់ថេរ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃទី២១ ខែមីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនប្រេងអន្តរជាតិម៉ាក Brent បានធ្លាក់ថ្លៃ ១.៤៣ ដុល្លារ ឬ ១.៦៤ ភាគរយដាក់លក់ក្នុងតម្លៃ ៨៥.៩៥ ដុល្លារក្នុងមួយបារ៉ែល (ស្មើនឹង ១.៣៨ ដុល្លារក្នុងមួយលីត្រ) ខណៈតម្លៃប្រេងរបស់ក្រុមហ៊ុនអាមេរិក West Texas Intermediate (WTI) ចុះថ្លៃ ១.៧៩ ឬ ២.១៤ ភាគរយ លក់ក្នុងតម្លៃ ៨១.៦៨ ដុល្លារក្នុងមួយបារ៉ែល (ស្មើនឹង ១.៤៥ ដុល្លារក្នុងមួយលីត្រ) ។

ធនាគារកណ្តាលអាមេរិកកាលពីថ្ងៃពុធ ទី២០ ខែមីនាកន្លងទៅបានរក្សាអត្រាការប្រាក់ក្នុងចន្លោះពី ៥.២៥ ភាគរយទៅ ៥.៥០ ភាគរយ ស្របពេលដែលលោក Andrew Lipow ប្រធានក្រុមហ៊ុន Lipow Oil Associates បាននិយាយថា ការសម្រេចចិត្តលើការរក្សាអត្រាការប្រាក់របស់ធនាគារកណ្ដាលអាមេរិក គឺស្ថិតនៅក្នុងសេចក្ដីជឿជាក់ ហើយផលប៉ះពាល់លើទីផ្សារប្រេងក៏មានកម្រិតតិចតួចផងដែរ ។

ពាក់ព័ន្ធនឹងបញ្ហានេះទៀតសោត រដ្ឋបាលព័ត៌មានថាមពលរបស់សហរដ្ឋអាមេរិក (EIA) បាននិយាយថា ស្តុកប្រេងឆៅបានធ្លាក់ចុះដោយមិននឹកស្មានដល់កាលពីសប្តាហ៍មុន ដោយសារតែតម្រូការនាំចេញមានការកើនឡើង ហើយក្រុមហ៊ុនចម្រាញ់ប្រេងក៏បន្តបង្កើនសកម្មភាពផលិតដូចគ្នា ។

ស្របពេលជាមួយគ្នានេះ លោក Matt Smith អ្នកវិភាគនាំមុខគេនៅក្រុមហ៊ុនទិន្នន័យថាមពលសកល Kpler ក៏បានលើកឡើងផងដែរថា ការទាញទម្លាក់ហាងឆេងតម្លៃប្រេងនៅក្នុងស្តុកប្រេងឆៅ គឺដោយសារតែដំណើរការរោងចក្រចម្រាញ់កើនឡើងខ្ពស់ជាងមុន រួមជាមួយការនាំចេញប្រេងឆៅកាន់តែខ្លាំងឡើងៗផងដែរ ៕

ដោយ ៖ សុខ ជីវ័ន្ត

ចុចអាន ៖ បណ្ដាញសង្គម Facebook មានបញ្ហានៅទូទាំងពិភពលោកជាថ្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២ នាទី មុន

លោក គួច ខេវិន ៖ ពិធីករ-ពិធីការិនី មានតួនាទីសំខាន់ក្នុងការបង្ហាញអត្តសញ្ញាណថ្លៃថ្នូរ​ជាតិសាសន៍ខ្លួន

ព័ត៌មានអន្ដរជាតិ៣ នាទី មុន

ហាងឆេងតម្លៃប្រេងសាំងពិភពលោក បន្តធ្លាក់ថ្លៃច្រើនគួរសម

ព័ត៌មានអន្ដរជាតិ៩ នាទី មុន

វៀតណាម ជាប់ចំណាត់ថ្នាក់ទី៦ ជាប្រជាជនមានសុភមង្គលបំផុតនៅ អាស៊ី

សន្តិសុខសង្គម១៥ នាទី មុន

មន្ត្រីជំនាញខេត្តកំពង់ចាម ចុះណែនាំដល់ម្ចាស់យានដ្ឋានជួសជុល និងកែច្នៃឧបករណ៍បំពងសំឡេងខុសបច្ចេកទេស

ព័ត៌មានជាតិ២០ នាទី មុន

មន្ត្រីនាំពាក្យ៖ ការរឹតបន្ដឹងអាជីវកម្មគ្រាប់រំសេវ ជាវិធានការទប់ស្កាត់ ដើម្បីបញ្ចៀសរាល់បាតុភាពផ្សេងៗ

Sokha Hotels

ព័ត៌មានពេញនិយម