ជីវិតកម្សាន្ដ

សមាគមសិល្បករខ្មែរ បរិច្ចាគថវិកាចំនួន ៥ លានរៀល ជួយដល់មូលនិធិគន្ធបុប្ផាកម្ពុជា

បានផុស

៣ នាទីutes មុន

នៅ

ថ្ងៃសៅរ៍ ១១ មករា ២០២៥

ដោយ

សមាគមសិល្បករខ្មែរដែលដឹកនាំដោយលោកជំទាវអ្នកឧកញ៉ា ម៉ៅ ចំណាន គិតម៉េង បានបរិច្ចាគថវិកាចំនួន ៥ ,០០០ ០០០ រៀល ដល់មូលនិធិគន្ធបុប្ផាកម្ពុជា ដើម្បីតបតាមការអំពាវនាវរបស់លោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត ប្រធានកិត្តិយស នៃមូលនិធិគន្ធបុប្ផាកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបថា តាមរយៈសារលិខិតជូនពរក្នុងឱកាសពិធីបុណ្យចូលឆ្នាំថ្មី ឆ្នាំសកល គ.ស ២០២៥ លោកជំទាវបណ្ឌិត ពេជ ចន្ទមុនី្ន ហ៊ុន ម៉ាណែត ប្រធានកិត្តិយស នៃមូលនិធិគន្ធបុប្ផាកម្ពុជា បានអំពាវនាវឲ្យបន្តចូលរួមបរិច្ចាគជាមួយមូលនិធិគន្ធបុប្ផាកម្ពុជា ដើម្បីនាំភាពញញឹមដល់ទារក និងកុមារដែលជាអនាគតដ៏ភ្លឺស្វាងរបស់កម្ពុជា។

លោកជំទាវបណ្ឌិត បានអំពាវនាវដូច្នេះថា «ដើម្បីរួមគ្នាបន្តរក្សានិរន្តរភាព នៃកិច្ចដំណើរការរបស់មន្ទីរពេទ្យគន្ធបុប្ផា ខ្ញុំសូមអំពាវនាវជាថ្មីម្ដងទៀតដល់ ឯកឧត្ដម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ពុកម៉ែបងប្អូន និង កូនក្មួយទាំងអស់ មេត្តាបន្តចូលរួមបរិច្ចាគជាមួយមូលនិធិគន្ធបុប្ផាកម្ពុជា ដើម្បីនាំភាពញញឹមដល់ទារក និងកុមារដែលជាអនាគតដ៏ភ្លឺស្វាងរបស់កម្ពុជា»។

លោកជំទាវបណ្ឌិត ពេជ ចន្ទមុនី្ន ធ្លាប់បានបញ្ជាក់ថា មន្ទីរពេទ្យគន្ធបុប្ផា ក្នុងមួយឆ្នាំៗ ត្រូវការចំណាយជាមធ្យមជាង ៤០ លានដុល្លារ ដូច្នេះសូមមេត្តាបន្តចូលរួមបរិច្ចាគ ទោះជាតិចក្តី ច្រើនក្តី តាមលទ្ធភាព ក្នុងស្មារតី (ខ្មែរជួយខ្មែរ)៕

អត្ថបទ ៖ ចាន់រ៉ា