បែកធ្លាយរូបភាព តារា K-Pop ជំនាន់ទី២ ដ៏ល្បីល្បាញម្នាក់ លួចមានប្រពន្ធចោលអ្នកគាំទ្រ

កាលពីថ្មីៗនេះ អ្នកលេងបណ្ដាញសង្គមបានប្រទះឃើញរូបភាពរបស់ Taecyeon ដែលត្រូវបានគេលុបចេញវិញភ្លាមៗបន្ទាប់ពីត្រូវបានគេចាប់អារម្មណ៍។ នៅក្នុងរូបទាំងនោះ សមាជិកក្រុម 2PM រូបនេះ បានលុតជង្គង់សុំមិត្តស្រីបំពាក់ចិញ្ចៀនរៀបការនៅឯទីសាធារណៈនៃទីក្រុងប៉ារីស។

អ្នកគាំទ្រពិតជាមានការភ្ញាក់ផ្អើលមែនទែន មិនដឹងសោះឡើយថា Taecyeon មានទំនាក់ទំនងស្នេហាជាមួយមនុស្សស្រីធម្មតាម្នាក់ ក្រៅរង្វង់សិល្បៈ ពិតជាពូកែលាក់ខ្លាំងមែន ដោយសូម្បីតែសារព័ត៌មានដ៏ល្បីល្បាញ Dispatch ក៏មិនអាចចាប់បានដែរ។

អ្វីដែលគួរឲ្យហួសចិត្តនោះ រូបភាពទាំងនេះ មិនមែនទើបតែថ្មីៗនោះទេ វាត្រូវបានបង្ហោះដោយអ្នកថតរូបអាជីពម្នាក់ តាំងពីខែមេសា ឆ្នាំ2024 មកម្លេះ វាមានរយៈពេលជិតមួយឆ្នាំទៅហើយ។ យ៉ាងណាមិញ គេមិនដឹងនោះទេថា Taecyeon បានរៀបការរួចហើយឬនៅ ព្រោះមិនមានលេចឮដំណឹងអ្វីនោះឡើយ។

ខណៈពេលនេះ អ្នកគាំទ្រកំពុងតែចែករំលែករូបភាពនេះពេញបណ្ដាញសង្គម ហើយពួកគេក៏បានចូលរួមអបអរទាំងឈឺចាប់ផងដែរ៕