ជីវិតកម្សាន្ដ

បែកពីអ្នកគាំទ្រយូរ! Seungkwan សមាជិក Seventeen បង្ហោះរូបថ្មីដំបូង ក្រោយបាត់មុខជាង ២ឆ្នាំ

បានផុស

៥ years មុន

នៅ

ថ្ងៃសុក្រ ២ មេសា ២០២១

ដោយ

អស់រយៈពេលជាង ២ឆ្នាំមកហើយ ដែលតារាចម្រៀងប្រុស លោក Seungkwan សមាជិក Seventeen បានបាត់មុខនៅលើបណ្ដាញសង្គម រហូតធ្វើឱ្យក្រុមអ្នកគាំទ្រមានក្តីនឹករលឹកដល់លោកជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតមកដល់យប់ថ្ងៃទី៣១ ខែមិនានេះដែរ នៅលើបណ្ដាញសង្គម Instagram របស់តារាប្រុសរូបនេះ បានបង្ហោះរូបភាពថ្មី ៣សន្លឹកដំបូង ថតជាមួយនឹងសត្វឆ្កែដ៏គួរឲ្យស្រលាញ់របស់លោក បង្កជាភាពភ្ញាក់ផ្អើលជាខ្លាំង នៅលើបណ្ដាញសង្គម។

បើទោះបីជារូបភាពរបស់ Seungkwan មានពាក់ម៉ាសការពារពន៌ខ្មៅ នៅជាប់មុខរបស់លោកដោយមិនបានបង្ហាញមុខមាត់ពេញក៏ដោយ ប៉ុន្តែអ្នកគាំទ្ររបស់លោកម្នាក់ៗពិតជាមានភាពរីករាយ និងរំភើបជាខ្លាំង ដែលបានឃើញអាយដលរបស់ពួកគេ ត្រឡប់មកវិញ។ នៅក្នុងរូបភាពទាំងនោះ Seungkwan លោកបានទៅលេងនៅឯស្រុកកំណើតរបស់លោក នៅក្នុងទីក្រុងប៊ូសាន ដោយបានថតបង្ហាញពីទេសភាពនៅមុខភូមិវប្បធម៌ ក្នុងតំបន់ Gamcheon។

ចាប់តាំងពីពេលនោះមកអ្នកគាំទ្រជាច្រើន បានយករូបភាពនៅក្នុងបណ្តាញសង្គមរបស់លោក យកទៅចែករំលែកដោយក្តីរំភើបបង្ហោះរូបថតរបស់ Seungkwan ជាច្រើននៅលើគណនី Twitter របស់ពួកគេ។ ជាមួយគ្នានោះដែរ គ្រប់គ្នាក៏នឹងរំពឹងទុកថាសមាជិកទាំង ៨ រូបរបស់ក្រុម Seventeen ក៏នឹងលេចមុខនៅលើបណ្ដាញសង្គមផងដែរ៕