ព័ត៌មានអន្ដរជាតិ
ពូទីនបញ្ចប់កិច្ចព្រមព្រៀងជាមួយអាមេរិក ដែលលុបបំបាត់សារធាតុភ្លូយតូនីញ៉ូម សម្រាប់ផលិតអាវុធនុយក្លេអ៊ែរ
កាលពីថ្ងៃចន្ទទី២៧ខែតុលាឆ្នាំ២០២៥ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានចុះហត្ថលេខាលើច្បាប់ជាផ្លូវការមួយ ស្តីពីការបញ្ចប់កិច្ចព្រមព្រៀងនុយក្លេអ៊ែរជាមួយសហរដ្ឋអាមេរិក ដែលមានគោលបំណងទប់ស្កាត់ការស្តុកទុកសារធាតុភ្លូយតូនីញ៉ូម របស់ប្រទេសទាំងពីរ និងការពារការផលិតអាវុធនុយក្លេអ៊ែរថ្មី។
ការផ្លាស់ប្តូរនេះ កើតឡើងបន្ទាប់ពីការធ្លាក់ចុះជាថ្មីនៃទំនាក់ទំនងរវាងលោកពូទីន និងប្រធានាធិបតីអាមេរិកលោក ដូណាល់ ត្រាំ ដែលបានលុបចោលផែនការសម្រាប់កិច្ចប្រជុំកំពូលសន្តិភាព ដោយហៅការពិភាក្សាជាមួយមេដឹកនាំរុស្ស៊ីថា «ខ្ជះខ្ជាយពេលវេលា» ចំពេលដែលទីក្រុងមូស្គូបានបដិសេធទទួលយកសំណើសន្តិភាពអ៊ុយក្រែន។
កិច្ចព្រមព្រៀងគ្រប់គ្រង និងចាត់ចែងភ្លូយតូនីញ៉ូម ដែលបានចុះហត្ថលេខាក្នុងឆ្នាំ២០០០ និងបានធ្វើបច្ចុប្បន្នភាពក្នុងឆ្នាំ២០១០ បានជំរុញឲ្យភាគីទាំងពីរបោះចោលសារធាតុភ្លូយតូនីញ៉ូមចំនួន៣៤តោនរៀងៗខ្លួន ដែលតួលេខនេះគឺគ្រប់គ្រាន់សម្រាប់សាងសង់ក្បាលគ្រាប់នុយក្លេអ៊ែរប្រហែល១៧ ០០០គ្រាប់ ដោយបម្លែងវាទៅជាការប្រើប្រាស់ក្នុងរ៉េអាក់ទ័រស៊ីវិលជំនួសវិញ។
លោកពូទីន ធ្លាប់ផ្អាកការចូលរួមរបស់រុស្ស៊ីនៅក្នុងកិច្ចព្រមព្រៀងក្នុងឆ្នាំ២០១៦ អំឡុងពេលមានភាពតានតឹងកាន់តែខ្លាំងឡើងជាមួយអតីតប្រធានាធិបតីអាមេរិកលោក បារ៉ាក់ អូបាម៉ា។ យ៉ាងណាមិញ ច្បាប់ថ្មីដែលត្រូវបានចុះហត្ថលេខាដោយពូទីន និងអនុម័តដោយសភារុស្ស៊ីកាលពីដើមខែនេះ គឺជាការដកខ្លួនជាផ្លូវការចេញពីកិច្ចព្រមព្រៀង។
ការសម្រេចចិត្តនេះបន្ថែមទៅលើការព្រួយបារម្ភរបស់លោកខាងលិច ចំពោះជំហរនុយក្លេអ៊ែររបស់ទីក្រុងមូស្គូ ចាប់តាំងពីការចាប់ផ្តើមនៃការលុកលុយពេញលេញលើអ៊ុយក្រែនក្នុងឆ្នាំ២០២២។ ភ្លាមៗបន្ទាប់ពីសង្គ្រាមបានចាប់ផ្តើម លោកពូទីនបានបញ្ជាកងកម្លាំងនុយក្លេអ៊ែររបស់រុស្ស៊ីឲ្យប្រុងជើងការ ហើយក្រោយមកបានចុះហត្ថលេខាលើក្រឹត្យមួយកាលពីខែវិច្ឆិកាឆ្នាំមុនកែប្រែច្បាប់ស្ដីពីការប្រើប្រាស់នុយក្លេអ៊ែររបស់ប្រទេស។
សូមជម្រាបថា មួយថ្ងៃមុនការចុះហត្ថលេខាលើច្បាប់លុបចោលកិច្ចព្រមព្រៀងនេះ លោកពូទីនបានប្រកាសថា រុស្ស៊ីបានធ្វើតេស្តចុងក្រោយដោយជោគជ័យនូវមីស៊ីលគ្រូសដើរដោយថាមពលនុយក្លេអ៊ែរ ដែលជាសញ្ញាមួយផ្សេងទៀតនៃចេតនារបស់វិមានក្រឹមឡាំង ក្នុងការពង្រឹងឃ្លាំងអាវុធយុទ្ធសាស្ត្ររបស់ខ្លួន ចំពេលដែលទំនាក់ទំនងអាមេរិក និងរុស្ស៊ីកាន់តែយ៉ាប់យ៉ឺន៕
ដោយ៖ ឈាង
-
ព័ត៌មានអន្ដរជាតិ២៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ