ព័ត៌មានអន្ដរជាតិ

លោក ត្រាំ ថា ថៃជាអ្នកចាប់ផ្តើមសង្គ្រាមជាមួយកម្ពុជា ប៉ុន្តែអាមេរិកបញ្ឈប់

បានផុស

៦ ខែ មុន

នៅ

ថ្ងៃអង្គារ ២៣ ធ្នូ ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ បានលើកឡើងចំៗថា ប្រទេសថៃបានចាប់ផ្តើមសង្គ្រាមម្តងទៀតជាមួយកម្ពុជា ប៉ុន្តែរដ្ឋមន្ត្រីការបរទេសសហរដ្ឋអាមេរិក លោក ម៉ាកូ រ៉ូប៊ីយ៉ូ បានបញ្ឈប់រឿងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅសេតវិមាន នៅថ្ងៃទី២២ធ្នូ ប្រធានាធិបតីសហរដ្ឋអាមេរិក លោក ដូណាល់ ត្រាំ ថាប្រទេសថៃ គឺជាប្រទេសចាប់ផ្តើមជម្លោះព្រំដែនជាមួយកម្ពុជាជាថ្មីម្តងទៀត។ ការថ្លែងរបស់លោកដូណាល់ត្រាំ ធ្វើឡើងក្នុងពិធីប្រកាសពីដំណើរការនៃការផលិតនាវាចម្បាំងខ្នាតយក្សថ្មី ដោយមានវត្តមាន រដ្ឋមន្ត្រីការពារជាតិ ដែលលោកបានប្តូរទៅជារដ្ឋមន្ត្រីសង្គ្រាម លោក Pete Hegset រដ្ឋមន្ត្រីការបរទេសលោក Marco Robio និង អគ្គមេបញ្ជាការទ័ពជើងទឹក។

ការលើកឡើងរបស់ប្រធានាធិបតី ដូណាល់ ត្រាំ បានកើតមានឡើងក្នុងថ្ងៃជាមួយគ្នា ដែលរដ្ឋមន្ត្រីការបរទេសអាស៊ាន បានជួបប្រជុំពិសេសនៅទីក្រុងកូឡាឡាំពួ ដើម្បីរកដំណោះស្រាយចំពោះជម្លោះរវាងប្រទេសថៃនិងកម្ពុជា ដែលសហរដ្ឋអាមេរិក បានអន្តរាគមន៍ម្តងហើយម្តងទៀត ដើម្បីឲ្យរដ្ឋាភិបាលថៃបញ្ឈប់ការបាញ់ប្រហារមកលើកម្ពុជា និងវិលទៅរកការចរចាគ្នាតាមផ្លូវការទូត។

ក្នុងសំណួររបស់អ្នកសារព័ត៌មានដោយចង់ដឹងសង្គ្រាមនៅអ៊ុយក្រែន លោក ដូណាល់ ត្រាំ បានភ្ជាប់ចម្លើយអំពីរឿងរ៉ាវនៅអ៊ុយក្រែន ដោយរំឭកនូវស្ថានភាពបញ្ជប់សង្គ្រាមរវាងកម្ពុជានិងថៃ។

លោក បានថ្លែងប្រាប់អ្នកសារព័័ត៌មានថា៖‍«ថៃចាប់ផ្តើមបង្កើតឡើង! អ្នកដឹងថា ពួកគេ [ថៃ] ចាប់ផ្តើមជាមួយកម្ពុជា។ ពួកគេ[ថៃ]បានចាប់ផ្តើមជាមួយកម្ពុជាម្តងទៀត ប៉ុន្តែខ្ញុំគិតថា Marco យើងបានធ្វើអន្តរាគមន៍ដើម្បីបញ្ឈប់វា [សង្គ្រាម]។

រដ្ឋាភិបាលសហរដ្ឋអាមេរិកតាមរយៈរដ្ឋមន្ត្រីការបរទេស ម៉ាកូ រ៉ូប៊ីយ៉ូ បានដាក់សម្ពាធឲ្យថៃចាត់វិធានការជាក់ស្តែងបញ្ចប់ភាពតានតឹង និង វិលទៅអនុវត្តកិច្ចព្រមព្រៀងសន្តិភាពដែលខ្លួនបានចុះហត្ថលេខាកាលថ្ងៃទី២៦ខែតុលាឆ្នាំ២០២៥ ជាមួយកម្ពុជានៅទីក្រុងកូឡាឡាំពួ៕

រ៉ាន់ រើយ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា