ព័ត៌មានអន្ដរជាតិ
ប្រទះឃើញជនជាតិអង់គ្លេសម្នាក់ស្លាប់នៅភូកេត អសន្តិសុខស្ថិតនៅក្នុងការសង្ស័យ
រឿងរ៉ាវឃាតកម្មលើជនបរទេសបានផ្ទុះឡើងជាថ្មី បន្ទាប់ពីម្ចាស់ទូកធំជាជនជាតិចក្រភពអង់គ្លេសម្នាក់បានស្លាប់នៅលើទូករបស់គាត់ស្ថិតនៅកោះភូកេត ប្រទេសថៃ និងត្រូវបានប្រទេសឃើញកាលថ្ងៃទី១១ខែមករា។ យោងសេចក្តីរាយការណ៍ព័ត៌មាននានាទាំងនៅថៃនិងនៅអង់គ្លេស។
បុរសដែលមានវ័យ៦៩ឆ្នាំម្នាក់ បានបាត់ខ្លួនអស់រយៈពេលពីរទៅបីថ្ងៃមកហើយ មុនពេលត្រូវបានគេរកឃើញនៅលើទូករបស់គាត់ដែលចតនៅឆ្នេរ Khao Khad។
សារព័ត៌មាន Daily Mail ឱ្យដឹងថា ហេតុការណ៍ដ៏នឹកស្មានមិនដល់នេះ កើតឡើងនៅពេលដែលមិត្តរបស់ម្ចាស់ទូកធំ ចតនៅក្បែរគ្នារាល់ថ្ងៃ តែបែរជាបាត់មិត្តភក្តិរបស់ខ្លួនជាច្រើនថ្ងៃទៅវិញ ដែលជាហេតុធ្វើឲ្យលោកព្រួយបារម្ភ។
លោកបានពិនិត្យមើល ទូកជាធម្មតាមិនស្ងាត់អ៊ីចឹងទេ មុនពេលរកឃើញសាកសពមិត្តរបស់គាត់នៅម៉ោងប្រហែល ១២និង៣០ នាទីយប់ ម៉ោងក្នុងស្រុក។ ភ្លាមៗ លោកក៏បានជូនដំណឹងដល់បុគ្គលិកនៅសណ្ឋាគារក្បែរនោះផងដែរ។
បន្ទាប់មកប៉ូលិសត្រូវបានហៅបុរសដែលជាមិត្តជនរងគ្រោះទៅកាន់កន្លែងកើតហេតុ ដែលពួកគេឧស្សាហ៍ឡើងលើកប៉ាល់ ដែលចតទល់មុខសណ្ឋាគារ Veranda Resort Phuket ។
ប៉ូលិសបានឱ្យដឹងថា ពេលទល់ពេលនេះ សពរបស់បុរសនោះបានរលួយយ៉ាងខ្លាំង។ ប៉ូលិសសន្និដ្ឋានថា ម្ចាស់ទូកបានស្លាប់អស់រយៈពេល២ថ្ងៃមុនពេលត្រូវបានរកឃើញ។
ចំណែកក្រុមអ្នកស៊ើបអង្កេតបាននិយាយថា មិនមានសញ្ញាអ្វីមួយ ដែលអាចនិយាយថា ជាការវាយប្រហារនៅកន្លែងកើតហេតុនោះទេ។
ក្រុមអ្នកស៊ើបអង្កេតលើកឡើងថា៖ «បច្ចុប្បន្នយើងកំពុងស៊ើបអង្កេត ប្រមូលភស្តុតាង និងរង់ចាំលទ្ធផលធ្វើកោសល្យវិច័យ ដើម្បីកំណត់ពីមូលហេតុនៃការស្លាប់។ យើងមិនបានច្រានចោលនូវលទ្ធភាពនៃការស្លាប់ដោយការប៉ុនប៉ងពីភាគីណាមួយឡើយ»។
ចំណែកបុគ្គលិកនៅសណ្ឋាគារបានច្រានចោលថា បុរសនេះមិនបានស្លាប់នៅក្នុងសណ្ឋាគារខ្លួនឡើយ។
ឯអ្នកស្រុកបានលើកឡើងថា បុរសនេះបានរស់នៅលើទូករបស់លោក ប្រហែលមួយទសវត្សរ៍មកហើយ ដោយធ្វើដំណើរទៅមករវាងប្រទេសម៉ាឡេស៊ី និងកោះភូកេត៕
ប្រែសម្រួល៖ ណឺ មិនា
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ២៣ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ២៣ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៤ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ