ប្រសើរណាស់! វ៉ាក់សាំងកូវីដ Sputnik V របស់រុស្ស៊ី ត្រៀមទទួលបានភ្លើងខៀវប្រើប្រាស់ពី WHO នាខែក្រោយ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ប្រសើរណាស់! វ៉ាក់សាំងកូវីដ Sputnik V របស់រុស្ស៊ី ត្រៀមទទួលបានភ្លើងខៀវប្រើប្រាស់ពី WHO នាខែក្រោយ

បានផុស

នៅ

វ៉ាក់សាំងប្រឆាំងជំងឺកូវីដ ១៩ Sputnik V របស់រុស្ស៊ី អាចនឹងទទួលបានការយល់ព្រមពីអង្គការសុខភាពពិភពលោក (WHO) ក្នុងរយៈពេលប៉ុន្មានសប្តាហ៍ខាងមុខនេះ បន្ទាប់ពីបេសកកម្មរបស់ WHO ដែលគ្រោងនឹងមកដល់ប្រទេសនេះនៅក្នុងខែឧសភា បានបញ្ចប់ការងាររបស់ពួកគេពាក់ព័ន្ធវ៉ាក់សាំងនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីជំនួបជាមួយលោក Tedros Adhanom អគ្គនាយកអង្គការសុខភាពពិភពលោក (WHO) អនុរដ្ឋមន្រ្តីក្រសួងការបរទេសរុស្ស៊ីលោក Sergey Vershinin បាននិយាយថា “យើងបានពិភាក្សាពីលទ្ធភាពសម្រាប់ការសម្រេចចិត្តបែបនេះដែលត្រូវធ្វើឡើងភ្លាមៗ បន្ទាប់ពីការបញ្ចប់បេសកកម្មចំនួន ២ ដែលមួយក្នុងចំណោមនោះបានបញ្ចប់រួចហើយ ខណៈលើកទី ២ ត្រៀមបញ្ចប់នាខែឧសភា” ។

បន្ទាប់ពីអ្នកជំនាញរុស្ស៊ីផ្តល់ទិន្នន័យដល់អង្គការសុខភាពពិភពលោក និងការផ្លាស់ប្តូរយោបល់ផ្នែកការទូត វ៉ាក់សាំង Sputnik V នឹងទទួលបានការអនុម័តប្រើប្រាស់ជាបន្ទាន់ពីអង្គការសុខភាពពិភពលោក ។

លោក Vershinin បានកត់ធ្ងន់ថា “អ្នកដឹងទេថា យើងបានចុះហត្ថលេខាលើកិច្ចព្រមព្រៀងជាមួយប្រទេសជាង ៦០ ហើយយើងបានឈានដល់កិច្ចព្រមព្រៀងលើការផលិតវ៉ាក់សាំងក្នុងស្រុករបស់យើង ជាមួយប្រទេសរាប់សិបទៀត ។ ខ្ញុំគិតថា បន្ទាប់ពីយើងអនុវត្តការបញ្ជាក់នេះជាមួយ WHO តម្រូវការវ៉ាក់សាំងរបស់យើង នឹងមានសារៈសំខាន់” ។

អនុរដ្ឋមន្រ្តីក្រសួងការបរទេសរូបនេះបានធានាថា វ៉ាក់សាំង Sputnik V នឹងឈានដល់ការផលិតរាប់លានដូសក្នុងរយៈពេលតែមួយខែប៉ុណ្ណោះ ។

គួរបញ្ជាក់ថា វ៉ាក់សាំង Sputnik V ដែលចុះបញ្ជីដំបូងគេនៅលើពិភពលោក ត្រូវបានអនុម័តឲ្យប្រើប្រាស់ជាបន្ទាន់នៅក្នុងប្រទេសចំនួន ៦០ ទូទាំងពិភពលោក ។ យោងតាមការវិភាគបណ្តោះអាសន្នពីការសាកល្បងដែលបានចេញផ្សាយនៅក្នុងកាសែត The Lancet បានឲ្យដឹងថា វ៉ាក់សាំងនេះមានប្រសិទ្ធិភាពការពារជំងឺកូវីដ ១៩ ចំនួន ៩១.៦ ភាគរយ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ WHO ត្រៀមកម្ចាត់ជំងឺកាចសាហាវមួយនេះនៅត្រឹមឆ្នាំ ២០២៥

ចុចអាន ៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services