ព័ត៌មានអន្ដរជាតិ

ស្ថានភាពច្រកហូរមូសនៅតែជាចំណាប់ខ្មាំងទោះបី ត្រាំ ប្រើយុទ្ធសាស្រ្តនិងគំរាមខ្លាំងៗ

បានផុស

២ ខែ មុន

នៅ

ថ្ងៃសៅរ៍ ១៨ មេសា ២០២៦

ដោយ

ក្រោយការសម្រេចបាននូវបទឈប់បាញ់រវាងអ៊ីស្រាអែលនិងលីបង់ដែលមានក្រុមសកម្មប្រយុទ្ធហេសបូឡាឈរជើងនោះ ស្ថានភាពដ៏តានតឹងក្នុងសង្គ្រាមអ៊ីរ៉ង់និងសហរដ្ឋអាមេរិកបានធូរស្រាល ប៉ុន្តែសង្គ្រាមវោហារស័ព្ទរបស់ពួកគេនៅតែមាននៅឡើយ។

ក្រាហ្វិកបង្ហាញពីផ្លូវនាវាចរណ៍ចេញនិងចូលតាមច្រកហូរមូស។ Al Jaazera

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានាធិបតីសហរដ្ឋអាមេរិក លោក ដូណាល់ ត្រាំ ហាក់មានមោទនភាពខ្លាំងដែលខ្លួនអាចដាក់សម្ពាធអ៊ីរ៉ង់ឲ្យបើកច្រកហូរមូសឡើងវិញ ដើម្បីអនុញ្ញាតឲ្យនាវាចរណ៍ដឹកប្រេងចេញពីតំបន់ឈូងសមុទ្រពែរ្ស៍ ដែលជាប់គាំងតាំងពីសង្គ្រាមបានផ្ទុះឡើងកាលពីចុងខែកុម្ភៈមក។

ក្រោយការអំពាវនាវឲ្យសម្ព័ន្ធមិត្តផ្សេងៗ ជាពិសេសសម្ព័ន្ធយោធាណាតូ ចូលជួយក្នុងសង្គ្រាមនេះ ក៏ដូចជា ការបើកច្រកហូរមូសមិនទទួលបានជោគជ័យ ដោយសារតែគ្មានសម្ព័ន្ធមិត្តណាមួយអើពើចូលជួយ ដោយពួកគេយល់ថា ការសម្រេចចិត្តធ្វើសង្គ្រាមនេះគឺខុសច្បាប់ និងមិនបានពិភាក្សាជាមួយពួកគេផង ប្រធានាធិបតីសហរដ្ឋអាមេរិក បានប្រើប្រាស់នូវយុទ្ធសាស្ត្រចុងក្រោយ ដោយបិទខ្ទប់រាល់នាវាដឹកប្រេងទាំងអស់ចេញ-ចូលតាមច្រកហូរមូស រួមទាំងបិទខ្ទប់រាល់កំពង់ផែទាំងអស់របស់អ៊ីរ៉ង់។

យុទ្ធសាស្រ្ត១ទៀត ដែលលោក ដូណាល់ ត្រាំ ប្រើប្រាស គឺការសម្របសម្រួលបញ្ចប់ការប្រយុទ្ធគ្នានៅប្រទេសលីបង់ ដែលមានរូបភាពសាហាវខ្លាំង និងមានប្រតិកម្មជាអន្តរជាតិ ដោយសារតែអ៊ីស្រាអែលមិនទទួលស្គាល់ចំពោះបទឈប់បាញ់រវាងសហរដ្ឋអាមេរិកនិងអ៊ីរង់អាចគ្របដណ្តប់លើជម្លោះនៅលីបង់។

ក្រោយបទឈប់បាញ់រយៈពេល១០ថ្ងៃនៅលីបង់ ទាំងអ៊ីរ៉ង់និងសហរដ្ឋអាមេរិក បានរំកិលទៅរកការឯកភាពគ្នាកាន់តែច្រើនលើលក្ខខណ្ឌនៃការចរចាសន្តិភាព ហើយ ចំណុចក្តៅបំផុតនៅច្រកហូរមូសក៏បានធូរស្រាលមួយរំពេច ដោយភាគីអ៊ីរ៉ង់ តាមរយៈរដ្ឋមន្ត្រីការបរទេស Abbaz Araghchi បានប្រកាសបើកច្រកនេះទាំងស្រុង ព្រោះតែមានបទឈប់បាញ់នៅលីបង់។

ទោះបីជាបែបនេះក្តីក្នុងចន្លោះពេលតិចជាង២៤ម៉ោងបន្ទាប់ពីការប្រកាសបើកច្រកហូរមូសនេះ ភាគីសហរដ្ឋអាមេរិក និងអ៊ីរ៉ង់នៅតែបន្តគំរាមកំហែងគ្នាទៅវិញទៅមក ដោយសង្គ្រាមពាក្យសម្តីក្នុងចន្លោះពេលនៃការអនុវត្តបទឈប់បាញ់២សប្តាហ៍ដែលផុតសុពលភាពនៅថ្ងៃទី២១ខែមេសានេះ។

យោងតាម Al Jaazera ផ្សាយនៅរសៀលថ្ងៃទី១៨ខែមេសានេះ អ្នកនាំពាក្យក្រសួងការពារជាតិអ៊ីរ៉ង់ លោក Reza Talaei បាននិយាយថា សង្គ្រាមជាមួយសហរដ្ឋអាមេរិកមិនទាន់បានបញ្ចប់នៅឡើយទេ ហើយព្រមានអ៊ីរ៉ង់ថា នឹងឆ្លើយតបទៅនឹង «ការបោកប្រាស់ណាមួយនៅក្នុងការទូត» ដោយបន្ថែមថា ការបើកច្រកសមុទ្រ Hormuz ដល់នាវាមិនមែនយោធា គឺអាស្រ័យលើបទឈប់បាញ់នៅក្នុងប្រទេសលីបង់។

យោងតាម Sky News ដោយដកស្រង់បន្តពីប្រព័ន្ធផ្សព្វផ្សាយអ៊ីរ៉ង់ IRIB ដែលផ្សាយថា ច្រកសមុទ្រនោះបិទវិញហើយរាល់ការឆ្លងកាត់ត្រូវសុំការយល់ព្រមពីអ៊ីរ៉ង់។

ក្រោយការបើកច្រកភ្លាមៗ លោក ដូណាល់ ត្រាំ បានថ្លែងអំណរគុណដល់អ៊ីរ៉ង់ចំពោះការបើកច្រកសមុទ្រនេះ ប៉ុន្តែលោក ត្រាំ បានព្រមានទុកជាមុនថា ការបិទផ្លូវនាវាដែលចូល និងចេញពីកំពង់ផែអ៊ីរ៉ង់ដោយសងសឹករបស់សហរដ្ឋអាមេរិក «នឹងនៅតែមានប្រសិទ្ធភាពពេញលេញ» រហូតដល់កិច្ចព្រមព្រៀងមួយត្រូវបានសម្រេច។

នាវាចរណ៍តាមផ្លូវទឹកនេះបានកើនឡើងមួយរយៈខ្លីនៅព្រឹកនេះ ដែលទីភ្នាក់ងារសារព័ត៌មានរ៉យទ័រហៅថា «ចលនានាវាដ៏សំខាន់លើកដំបូង» ឆ្លងកាត់ច្រកសមុទ្រហ័រមូស ចាប់តាំងពីការចាប់ផ្តើមនៃសង្គ្រាមមក៕

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា