ជប៉ុនប្រកាសអាសន្នរលកយក្សស៊ូណាមិ និងជម្លៀសពលរដ្ឋបន្ទាន់ ព្រោះរញ្ជួយដីកម្រិតធ្ងន់ 

រញ្ជួយដីកម្រិតធ្ងន់ ៧.៤រ៉ិចទ័របានវាយប្រហារប្រទេសជប៉ុន ឈានដល់ការទាញសញ្ញាព្រមានរលកយក្សស៊ូណាមិ និងប្រកាសអាសន្ន ថែមទាំងជម្លៀសពលរដ្ឋជាបន្ទាន់ទៀតផង។

តាមការផ្សាយរបស់ NHK, រញ្ជួយដីវាយប្រហារនៅភាគខាងជើងប្រទេស ជាមួយចំណុចកណ្តាលមានជម្រៅ១០គីឡូម៉ែត្រ នៅជិតឆ្នេរ Sanriku។

ការព្រមានរលកយក្សស៊ូណាមិ បានប្រកាសនៅតំបន់ចំនួន៣ដូចជា Iwate, Aomori និង Hokkaido ខណៈរលកសមុទ្រត្រូវគេឃើញមានកម្ពស់រហូតដល់ទៅ ៣ម៉ែត្រឯណោះ។

ស្របពេលជាមួយគ្នានោះ ពលរដ្ឋរស់នៅតាមបណ្តោយឆ្នេរសមុទ្រ ក្នុងតំបន់ខាងលើទាំង៣នេះ ត្រូវព្រមានឲ្យប្រញាប់ជម្លៀសទៅកាន់ទីទួលសុវត្ថិភាព រង់ចាំការជូនដំណឹងបន្ទាប់។

យោងតាមក្រុមអ្នកជំនាញរញ្ជួយដីបានឲ្យដឹងថា កម្លាំងរង្គើ គឺខ្លាំងដែលសមល្មមធ្វើឲ្យញ័រដល់អគារខ្ពស់ៗ ក្នុងទីក្រុងតូក្យូបាន ដ្បិតវាមានចម្ងាយរាប់រយគីឡូម៉ែត្រ ពីចំណុចកណ្តាលក៏ដោយ៕

អត្ថបទ៖ សុខ សុវណ្ណ