ព័ត៌មានអន្ដរជាតិ

វ៉ាក់សាំង AstraZeneca ផលិតនៅថៃចាប់ផ្តើមចែកចាយហើយ

បានផុស

៥ years មុន

នៅ

ថ្ងៃព្រហស្បតិ៍ ៣ មិថុនា ២០២១

ដោយ

នៅថ្ងៃពុធ ទី២ ខែមិថុនា ក្រុមហ៊ុនផលិតវ៉ាក់សាំង AstraZeneca និង Siam Bioscience បានប្រកាសពីការត្រៀមខ្លួនរួចរាល់ដើម្បីផ្គត់ផ្គង់វ៉ាក់សាំងការពារកូវីដ-១៩របស់ខ្លួនដែលផលិតក្នុងស្រុកដល់រដ្ឋាភិបាលថៃ។

សេចក្តីប្រកាសព័ត៌មានបាននិយាយថា វ៉ាក់សាំង AstraZeneca ដែលផលិតដោយក្រុមហ៊ុនក្នុងស្រុករបស់ថៃ Siam Bioscience បានផ្គត់ផ្គង់វ៉ាក់សាំងរបស់ខ្លួនទៅឲ្យក្រសួងសុខាភិបាលថៃបណ្តើរៗហើយ។ ប៉ុន្តែចំនួនដែលត្រូវបានផ្គត់ផ្គង់ជាបឋមនោះមិនត្រូវបានប្រកាសឲ្យដឹងឡើយ គ្រាន់តែដឹងថា ការផ្គត់ផ្គង់បានកំពុងចាប់ផ្តើមនៅក្នុងសប្តាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសព័ត៌មានបាននិយាយថា ៖«ក្រុមហ៊ុនវ៉ាក់សាំង AstraZeneca ផ្គត់ផ្គង់វ៉ាក់សាំងដែលផលិតក្នុងស្រុកលើកដំបូងដល់ក្រសួងសុខាភិបាលថៃ ដែលនេះជាការគាំទ្រដល់កម្មវិធីចាក់វ៉ាក់សាំងទ្រង់ទ្រាយធំរបស់ក្រសួង»។

សេចក្តីប្រកាសថា ៖«ការបែងចែកទៅកាន់បណ្តាប្រទេសអាស៊ីអាគ្នេយ៍នឹងចាប់ដំណើរការនៅក្នុងសប្តាហ៍ខាងមុខ»។

មុនពេលចាប់ផ្តើមផ្គត់ផ្គង់ ក្រុមហ៊ុន AstraZeneca និង Siam Bioscience ក៏បានរៀបចំកម្មវិធីមួយកាលថ្ងៃពុធដើម្បីជាការកត់សំគាល់នៃការបញ្ចេញវ៉ាក់សាំងលើកដំបូងរបស់ខ្លួន។

រដ្ឋមន្ត្រីក្រសួងសុខាភិបាលថៃលោក Anutin Charnvirakul បាននិយាយកាលពីថ្ងៃអង្គារ៍ថា វ៉ាក់សាំង AstraZeneca ចំនួន៦លានដូសនឹងត្រូវបានផ្គត់ផ្គង់នៅក្នុងខែនេះដែលរំពឹងថានឹងបានទទួលបាននៅថ្ងៃចន្ទសប្តាហ៍ក្រោយ៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ