ព័ត៌មានអន្ដរជាតិ
ឥណ្ឌា បញ្ជូនកងទ័ព ២០ម៉ឺននាក់ ទៅព្រំដែនជាប់ ចិន ស្របពេលស្ថានការណ៍ កាន់តែតានតឹង
ប្រទេសឥណ្ឌា បានដាក់ពង្រាយកងទ័ពចំនួន៥ម៉ឺននាក់បន្ថែមទៀត នៅតាមព្រំដែនហិមាល័យ មានជម្លោះជាមួយប្រទេសចិន ដែលនេះជាការបង្ហាញកម្លាំងដ៏សំខាន់ ដល់គូប្រជែងនុយក្លេអ៊ែររបស់ខ្លួន។
ក្នុងរយៈពេល ៣ ខែចុងក្រោយនេះ ឥណ្ឌាបានបញ្ជូនទាហាននិងយន្ដហោះចម្បាំងទៅព្រំដែន ដោយនាំឲ្យកងទ័ពសរុបកើនដល់ទៅ ២០០,០០០ នាក់ ពោលគឺកើនឡើង ៤០ ភាគរយបើប្រៀបធៀបនឹងឆ្នាំមុន។
ភាគីទាំងពីរ បានប៉ះទង្គិចគ្នានៅទីតាំងសមរភូមិជួរភ្នំ កាលពីឆ្នាំមុន ដែលបណ្តាលឲ្យទាហានជាង ២០ នាក់ស្លាប់ នៅក្នុងថ្ងៃបង្ហូរឈាមបំផុតចាប់តាំងពីសង្គ្រាមចិន – ឥណ្ឌាឆ្នាំ ១៩៦២។
យ៉ាងណាក្តី គេមិនទាន់ច្បាស់ទេថាតើ ចិនមានកងទ័ពប៉ុន្មាននាក់នៅទីនោះ ប៉ុន្តែចិនបានពង្រឹងហេដ្ឋារចនាសម្ព័ន្ធរបស់ខ្លួនជាមួយនឹងការស្ថាបនាផ្លូវយន្តហោះ លេណដ្ឋានធន់នឹងគ្រាប់បែកសម្រាប់យន្តហោះចម្បាំង កាំភ្លើងធំនិងបន្ទាយ។
ទីក្រុងប៉េកាំង ក៏បានបញ្ជូនកាំភ្លើងធំ រថក្រោះ កាំជ្រួចមីស៊ីលប្រឆាំងយន្ដហោះនិងយន្តហោះចម្បាំងជាច្រើនគ្រឿងផងដែរក្នុងរយៈពេលប៉ុន្មានខែចុងក្រោយនេះ។
ប្រភពមួយបាននិយាយថា ការដាក់ពង្រាយថ្មីរបស់ឥណ្ឌា នឹងអនុញ្ញាតឲ្យមេបញ្ជាការមានជម្រើសច្រើន ប្រសិនបើរងការវាយប្រហារនិង វិធីសាស្ត្រដែលគេស្គាល់ថា “ការពារ វាយបក”។
តំបន់ Ladakh នៅចុងភាគខាងជើង ត្រូវបានគេមើលឃើញថា មានការកើនឡើងនូវចំនួនកងទ័ពច្រើនបំផុតពីភាគីទាំងសងខាង។ វាជាតំបន់ដែលទាហានឥណ្ឌានិងចិន ផ្ទុះអាវុធដាក់គ្នាជាច្រើនដងកាលពីឆ្នាំមុន។
ក្រៅពី Ladakh, ប្រទេសឥណ្ឌាបានបញ្ជូនទាហានបន្ថែម ទៅព្រំដែនផ្សេងទៀតរបស់ខ្លួនជាប់ប្រទេសចិន រួមទាំងនៅតាមតំបន់ខ្ពង់រាបទីបេភាគខាងត្បូងរវាងនេប៉ាល់និងប៊ូតង់ផងដែរ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ចិន បង្កើនការចំណាយដល់ទៅ២១០ពាន់លានដុល្លារលើវិស័យការពារជាតិ ទោះមានបំណុលនិងជំងឺរាតត្បាតកូវីដ១៩
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore