អាហ្រ្វិកខាងត្បូង គ្រោងចេញច្បាប់ ឲ្យស្រ្តីយកប្តីប៉ុន្មានក៏បាន តាមចិត្តចង់

ប្រទេសអាហ្រ្វិកខាងត្បូង កំពុងពិចារណា អនុញ្ញាតឲ្យស្ត្រីមានប្តីច្រើនតាមចិត្តចង់ ដែលជាទង្វើឆ្ពោះទៅរកភាពស្មើគ្នានៅក្នុងប្រទេសមួយ ដែលអនុញ្ញាតឲ្យបុរសយកប្រពន្ធបានច្រើនរួចទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីព្រាងច្បាប់នេះ ត្រូវបានដាក់នៅក្នុងឯកសារពីក្រសួងមហាផ្ទៃអាហ្វ្រិកខាងត្បូង និងបង្កឲ្យមានកំហឹងពីសំណាក់ក្រុមអ្នកអភិរក្សនិយម នៅក្នុងប្រទេស។

Polygamy ដែលសម្គាល់ពីបុរសអាចយកប្រពន្ធបានច្រើន គឺជាច្បាប់និងជាផ្នែកមួយនៃប្រពៃណីរបស់ជនជាតិដើមភាគតិចខ្លះ។

សំណើនេះបានសរសេរថា “ប្រទេសអាហ្វ្រិកខាងត្បូង ទទួលបានមរតកពីរបបអាពាហ៍ពិពាហ៍ដែលផ្អែកលើប្រពៃណី និកាយ Calvin និងប្រពៃណីលោកខាងលិច។ ហើយមានតម្រូវការសម្រាប់គោលការណ៍ដ៏សំខាន់ ដែលផ្អែកលើតម្លៃរដ្ឋធម្មនុញ្ញនិងការយល់ដឹងអំពីសក្ដានុពលសង្គមសម័យទំនើប”។

សំណើនេះបានកត់សម្គាល់ថា ច្បាប់រៀបការបច្ចុប្បន្ន មានគុណវិបត្តិនិងអនុញ្ញាតឲ្យអនីតិជនរៀបអាពាហ៍ពិពាហ៍បាន។

ទោះបីជាយ៉ាងណាក៏ដោយ អ្នកជំនួញនិងជាតារាទូរទស្សន៍លោក Musa Mseleku បានប្រឆាំងនឹង សេចក្តីព្រាងច្បាប់នេះ។

លោកបាននិយាយថា “រឿងនេះនឹងបំផ្លាញវប្បធម៌អាហ្វ្រិក”។

ស្របពេលជាមួយគ្នានោះដែរ មេដឹកនាំគណបក្សប្រឆាំង African Christian Democratic Party (ACDP) បាននិយាយថា សេចក្តីព្រាងច្បាប់នេះ នឹងបំផ្លាញសង្គម ប្រសិនបើសិទ្ធិរៀបការដូចគ្នាត្រូវបានពង្រីកដល់ស្ត្រី៕

ប្រែសម្រួល៖ Vann Vann

ប្រភព៖ Daily Mail, NZ Herald

ចុចអាន៖ ហួសចិត្ត! ពលរដ្ឋឥណ្ឌា រត់គេចមិនព្រមចាក់វ៉ាក់សាំងកូវីដ គ្រូពេទ្យដេញតាមចាក់ដល់វាលស្រែ