វ៉ាក់សាំងកូវីដចំនួន២របស់ ថៃ ឈានដល់ដំណាក់កាលសាកល្បងលើមនុស្ស

កាលពីថ្ងៃចន្ទ វិទ្យាស្ថានវ៉ាក់សាំងជាតិថៃបានប្រកាសថា វ៉ាក់សាំងកូវីដចំនួន២ក្នុងចំណោម៧ត្រូវបានសាកល្បងដោយជោគជ័យលើសត្វហើយកំពុងឈានទៅរកការសាកល្បងលើមនុស្ស។

លោកវេជ្ជបណ្ឌិត Nakorn Premsri នាយកវិទ្យាស្ថាននេះបាននិយាយថា វ៉ាក់សាំងទាំងពីរដែលចូលក្នុងការសាកល្បងដំណាក់កាលទី២លើមនុស្សគឺវ៉ាក់សាំង mRNA ដែលត្រូវបានបង្កើតឡើងដោយមជ្ឈមណ្ឌលស្រាវជ្រាវវ៉ាក់សាំង Chula (Chula VRC) និងវ៉ាក់សាំង DNA ដែលបង្កើតឡើងដោយក្រុមហ៊ុន BioNet-Asia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Chula VRC រំពឹងថា វ៉ាក់សាំង mRNA របស់ខ្លួននឹងចូលដល់ដំណាក់កាលសាកល្បងលើមនុស្សនៅថ្ងៃទី១៩ខែមេសាឆ្នាំក្រោយ។

វ៉ាក់សាំង mRNA នឹងត្រូវធ្វើតេស្តដំបូងលើអ្នកស្ម័គ្រចិត្តចំនួន៧២នាក់ហើយប្រសិនបើការធ្វើតេស្តជោគជ័យ មជ្ឈមណ្ឌល Chula នឹងចូលដល់ការសាកល្បងមនុស្សដំណាក់កាលទី២លើមនុស្ស៦០០នាក់។

ជាមួយគ្នានេះដែរ វ៉ាក់សាំង៥ផ្សេងទៀតកំពុងត្រូវបានធ្វើតេស្តលើសត្វ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ វ៉ាក់សាំងកូវីដរបស់សាកលវិទ្យាល័យ Oxford បង្ហាញប្រសិទ្ធភាពការពារកូវីដបាន ៧០ភាគរយ

ចុចអាន៖ ជនជាតិអាមេរិកអាចទទួលបានវ៉ាក់សាំងកូវីដនៅខែក្រោយ