ព័ត៌មានអន្ដរជាតិ

ថៃគ្រាន់តែអ្នកជំងឺកូវីដព្យាបាលនៅផ្ទះក្រុងបាំងកកជិត១០ម៉ឺនាក់ហើយ

បានផុស

៥ years មុន

នៅ

ថ្ងៃសុក្រ ៦ សីហា ២០២១

ដោយ

អ្នកជំងឺកូវីដ-១៩ជិត១០ម៉ឺននាក់កំពុងព្យាបាលនៅតាមផ្ទះក្នុងទីក្រុងបាំងកកនាពេលបច្ចុប្បន្ននេះដោយមិនគិតនៅតាមបណ្តាខេត្តផង ខណៈចំនួនទូទាំងប្រទេសកំពុងកើនឡើង។

នៅព្រឹកថ្ងៃសុក្រនេះ ថៃរកឃើញអ្នកឆ្លងថ្មីបំបែកកំណត់ត្រាទៀតហើយគឺ ២១៣៧៩នាក់ និងស្លាប់ថ្មីក៏ខ្ពស់បំផុត ១៩១នាក់ ដោយបំណែកកំណត់ត្រាកាលពីថ្ងៃព្រហស្បតិ៍ម្សិលមិញដែលមានករណីឆ្លងថ្មីជាប់កំណត់ត្រាដល់ ២០៩២០នាក់ និងស្លាប់១៦០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី Apisamai Srirangson អ្នកនាំពាក្យមជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) បានឲ្យដឹងពីម្សិលមិញថា ៖«ចំនួនអ្នកជំងឺកូវីដ-១៩នៅតាមផ្ទះក្នុងទីក្រុងបាំងកកឡើងឈានដល់ជិត១០ម៉ឺនាក់ហើយគិតត្រឹមថ្ងៃទី៥ ខែសីហា»។

អ្នកនាំពាក្យដែលជាអតីតបវរកញ្ញាចក្រវាឡថៃឆ្នាំ១៩៩៩ បានឲ្យដឹងថា មជ្ឈមណ្ឌលប្រតិបត្តិការ CCSA បានរៀបចំមជ្ឈមណ្ឌលចំនួន២៣២កន្លែងដើម្បីព្យាបាលអ្នកជំងឺនៅតាមផ្ទះក្នុងទីក្រុង។

«គ្រប់ផ្នែកទាំងអស់កំពុងធ្វើការយ៉ាងខ្លាំងដើម្បីធានាដល់ប្រជាជនត្រូវបានថែរក្សាឲ្យមានសុវត្ថិភាព និងប្រសិទ្ធភាព»។ អ្នកស្រីវេជ្ជបណ្ឌិត Apisamai បានបញ្ជាក់។

អ្នកស្រីបន្ថែមថា នាយកដ្ឋានគាំពាសេវាសុខភាពស្ថិតក្រោមក្រសួងសុខាភិបាលសាធារណៈបានធ្វើវិសោធនកម្មបទប្បញ្ញត្តិដើម្បីអនុញ្ញាតឲ្យសាធារណជនអាចទិញឧបករណ៍តេស្ត (ATKs) ដោយខ្លួនឯងបាន។