ព័ត៌មានអន្ដរជាតិ

អាជ្ញាធរ៖ នេះជាការចាប់ផ្តើមក្តីសង្ឃឹម ពេលតៃវ៉ាន់គ្មានអ្នកឆ្លងកូវីដលើកដំបូង

បានផុស

៣ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

អ្នកជំនាញសុខាភិបាលតៃវ៉ាន់បានចាត់ទុកថា នេះគ្រាន់តែជាការចាប់ផ្តើមនៃក្តីសង្ឃឹម នៅពេលគ្មានករណីឆ្លងកូវីដ-១៩សហគមន៍លើកដំបូងចាប់តាំងពីការផ្ទុះខ្លាំងបំផុតកាលពីខែឧសភា ដែលបានសម្លាប់មនុស្សជាង៨០០នាក់។

ប្រធានមជ្ឈមណ្ឌលគ្រប់គ្រងជំងឺឆ្លងកណ្តាលលោក Chen Shih-chung បានឲ្យដឹងថា ៖«ករណីឆ្លងក្នុងស្រុកថ្ងៃនេះ (ថ្ងៃពុធ) គឺសូន្យ វាមិនងាយស្រួលទេ។ ខ្ញុំជឿថា អ្នករាល់គ្នាសប្បាយចិត្តពីការគ្មានឆ្លងកូវីដលើកដំបូងនេះ ប៉ុន្តែវាមិនមែនមានន័យថា កូវីដត្រូវបានលុបបំបាត់នៅតៃវ៉ាន់ទេ»។

«ផ្លូវនៅវែងឆ្ងាយដែលត្រូវដើរ តែករណីគ្មានឆ្លងសោះនេះមានន័យថា ការរាលដាលកូវីដមានស្ថេរភាព»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថេរភាពរបស់កោះតៃវ៉ាន់ស្ថិតក្រោមការតាមដាននៃសហគមន៍គឺជារឿងជោគជ័យសកលមួយ។ អ្នកស្រុករស់នៅក្នុងជីវិតធម្មតាបំផុតកាលពីឆ្នាំ២០២០និងដើមឆ្នាំ២០២១ ទោះជាព្រំដែនត្រូវបានបិទក៏ដោយ។

ប៉ុន្តែកាលពីខែឧសភា ការផ្ទុះនៃវីរុសបំប្លែងខ្លួន Alpha ដែលជំរុញឲ្យមានការដាក់បំរាមគោចរតាមរយៈអាកាសចរណ៍ អាកាសធាតុត្រជាក់ និងរាលដាលទូទាំងកោះ។ រដ្ឋាភិបាលទោះបីជាបានដាក់បំរាមរឹតត្បិត ប៉ុន្តែពីដំបូងត្រូវបានគេរិះគន់ ហើយប្រជាជននៅតែបន្តស្ថិតក្រោមបំរាមកម្រិត៣ស្ទើររយៈពេល៣ខែ។

នៅពេលវីរុស Alpha បានផ្ទុះឈានដល់កម្រិតកំពូល តៃវ៉ាន់បានរាយការណ៍ពីករណីឆ្លងថ្មីជាង៥០០នាក់ក្នុងមួយៗថ្ងៃ។ ករណីស្លាប់ត្រូវបានកត់ត្រា៨៣០នាក់នាក់ក្នុងនោះមានស្ត្រីវ័យខ្ទង់៧០ឆ្នាំម្នាក់ផងកាលពីថ្ងៃពុធ។

លោក Chen បាននិយាយក្នុងសេចក្តីប្រកាសកាលពីថ្ងៃពុធថា នេះគឺគ្រាន់តែជាការចាប់ផ្តើមនៃសេចក្តីសង្ឃឹមប៉ុណ្ណោះ ហើយអាជ្ញាធរនឹងបន្តតាមដានស្ថានភាពមួយរយៈពេលទៀតមុនពេលបន្ធូរបន្ថយបំរាមរឹតត្បិត។

បំរាមត្រូវបានទម្លាក់ដល់កម្រិតពីរកាលពីថ្ងៃទី២៧ ខែកក្កដា ប៉ុន្តែមិនមែនគ្រប់រដ្ឋាភិបាលថ្នាក់ខេត្តបានអនុម័តទាំងស្រុងនោះទេ។ ផ្ទុយទៅវិញ ខេត្ត និងស្រុកមួយចំនួននៅតែរក្សាបំរាមតឹងតែងដដែល។ នៅទីក្រុងមួយចំនួន សិស្សានិសិស្សបានវិលត្រឡប់ទៅសាលារៀនវិញ ភោជនីយដ្ឋានបើកដំណើរការឡើងវិញសម្រាប់ភ្ញៀវដែលទទួលទានតែម្នាក់ឯង ហើយកីឡា និងកន្លែងកម្សាន្តក៏បើកឡើងវិញដែរ៕

ប្រែសម្រួល៖ វីរបុត្រ
ប្រភព៖ theguardian