ព័ត៌មានអន្ដរជាតិ
ថៃ ចាប់ផ្តើមចាក់វ៉ាក់សាំងការពារកូវីដជូនស្ត្រីមានផ្ទៃពោះ ក្នុងទ្រង់ទ្រាយធំ
ក្រសួងសុខាភិបាលថៃបានចាប់ផ្ដើមចាក់វ៉ាក់សាំងការពារកូវីដ-១៩ ជូនស្ត្រីមានផ្ទៃពោះដោយឥតគិតថ្លៃ រហូតដល់ ១០ម៉ឺននាក់ ចាប់ពីថ្ងៃចន្ទទី ១៣ ខែកញ្ញា ដល់ថ្ងៃទី ១៣ ខែតុលា ឆ្នាំ២០២១។
ដោយសារស្ត្រីមានផ្ទៃពោះងាយរងគ្រោះចំពោះជំងឺកូវីដ-១៩ ហើយពួកគេទំនងជាអាចវិវត្តទៅជាអាការធ្ងន់ធ្ងរ ឬអាចបណ្តាលឱ្យស្លាប់ ឬបណ្តាលឱ្យទារកកើតមិនគ្រប់ខែ ដែលនេះនឹងមានផលប៉ះពាល់រយៈពេលវែងដល់ការលូតលាស់ចំពោះទារកផងនោះ ទើបក្រសួងសុខាភិបាលថៃសម្រេចបើកយុទ្ធនាការចាក់វ៉ាក់សាំងដ៏ធំនេះឡើង។
យោងតាមការស្ទង់មតិ អំពីការឆ្លងវីរុសកូវីដ-១៩ ក្នុងចំណោមស្ត្រីមានផ្ទៃពោះ បន្ទាប់ពីសម្រាលកូនបាន ៦ សប្តាហ៍ ក្នុងកំលុងខែមេសា ឆ្នាំនេះ ស្ត្រីចំនួន ៣២២៣ នាក់ត្រូវគេរកឃើញឆ្លងកូវីដ-១៩។ ក្នុងនោះមានស្លាប់ចំនួន ៧៣ នាក់ (២.២៦%) និងមានទារកទើបនឹងកើត ១៥៤ នាក់ (៨.៨៩%) ឆ្លងវីរុសនេះផងដែរ។
អគ្គនាយកនៃអគ្គនាយកដ្ឋានសុខាភិបាលថៃ លោកវេជ្ជបណ្ឌិត Suwanchai Wattanayingcharoenchai ថ្លែងថា មានតែស្ត្រីមានផ្ទៃពោះមួយចំនួនតូចប៉ុណ្ណោះដែលបានចាក់វ៉ាក់សាំងពេញលេញ ខណៈស្រ្តីមានផ្ទៃពោះភាគច្រើនព្រួយបារម្ភអំពីប្រសិទ្ធភាព និងសុវត្ថិភាពនៃវ៉ាក់សាំង ដូច្នេះទើបពួកគេខកខានទទួលវ៉ាក់សាំង។
ជាមួយគ្នានេះ អគ្គនាយកដ្ឋានសុខាភិបាលថៃរូបនេះ លើកឡើងអំពីលទ្ធផលវិជ្ជមាននៃការវ៉ាក់សាំងថាអាចនឹងជួយបង្កើនភាពស៊ាំចំពោះទារកដែលមិនទាន់កើត និងគាំពារសុខភាពម្ដាយផ្ទាល់ផងដែរ។
នៅចន្លោះថ្ងៃទី ២៩ ខែសីហា ដល់ថ្ងៃទី ៩ ខែកញ្ញា មានតែស្ត្រីមានផ្ទៃពោះចំនួន ៦៨,៤៣៥ នាក់ប៉ុណ្ណោះដែលត្រូវបានចាក់វ៉ាក់សាំង។ តួលេខនេះរាប់បញ្ចូលទាំងអ្នកដូសទី១ចំនួន ៥៣,៦៩៧នាក់ ដូសទី២ ចំនួន ១៤,៥៥៩នាក់ និងដូសទី៣ចំនួន ១៧៩ នាក់៕
ប្រែសម្រួល៖ សន្យា
ប្រភព៖ Thai pbs World
ចុចអាន៖ ស្អែកនេះ សៀងហៃ នឹងចាក់វ៉ាក់សាំងកូវីដដល់ក្មេងៗបរទេសអាយុ ១២ ឆ្នាំឡើងទៅ
ចុចអាន៖ វ៉ាក់សាំងដូសដំបូង បានកាត់បន្ថយហានិភ័យជំងឺធ្លាក់ទឹកចិត្ត និងបង្កើនសុខភាពផ្លូវចិត្តឲ្យប្រសើរ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល