ព័ត៌មានអន្ដរជាតិ
ទឹកជំនន់នៅ ចិន ជម្លៀសមនុស្សជិត ២លាននាក់
មនុស្សជិត ២លាននាក់ បានរងផលប៉ះពាល់ដោយសារគ្រោះទឹកជំនន់ធ្ងន់ធ្ងរនៅក្នុងខេត្ត Shanxi ភាគខាងជើងប្រទេសចិន។
ភ្លៀងធ្លាក់យ៉ាងខ្លាំងកាលពីសប្តាហ៍មុន បានបណ្តាលឲ្យផ្ទះប្រជាពលរដ្ឋដួលរលំ និងបង្កឲ្យមានការរអិលបាក់ដីនៅទូទាំងស្រុកនិងទីក្រុងជាង ៧០ នៅក្នុងខេត្តនេះ។
ក្រុមមន្ត្រីបាននិយាយថា ភ្លៀងធ្លាក់ខ្លាំង កំពុងរាំងស្ទះដល់កិច្ចខិតខំប្រឹងប្រែងជួយសង្គ្រោះ។
ទឹកជំនន់នេះ បានកើតឡើងមិនដល់ ៣ ខែផង បន្ទាប់ពីភ្លៀងធ្លាក់ខ្លាំងនៅខេត្ត Henan បណ្តាលឲ្យមនុស្សជាង ៣០០ នាក់បាត់បង់ជីវិត។
នៅខេត្ត Hebei ក្បែរនោះ រថយន្តក្រុងមួយគ្រឿងបានធ្លាក់ចូលទន្លេខណៈ ប្រព័ន្ធផ្សព្វផ្សាយរដ្ឋបានរាយការណ៍ថា មនុស្សបីនាក់បានស្លាប់ហើយ ១១ នាក់ក្នុងចំណោម ៥១ នាក់នៅក្នុងរថយន្តបានបាត់ខ្លួន។
មនុស្សជាង ១២០,០០០ នាក់ ត្រូវបានបញ្ជូនជាបន្ទាន់ទៅកាន់ទីទួលសុវត្ថិភាព ហើយផ្ទះចំនួន ១៧,០០០ខ្នង បានដួលរលំនៅទូទាំងខេត្ត Shanxi។
មន្រ្តីប៉ូលិស ៤ នាក់បានស្លាប់ដោយសារការរអិលបាក់ដីបើទោះបីជាព័ត៌មានអំពីជនរងគ្រោះផ្សេងទៀត មិនត្រូវបានបញ្ចេញក៏ដោយ។
ទីភ្នាក់ងារសារព័ត៌មាន Xinhua បានអះអាងថា ទឹកជំនន់នៅ Shanxi អាចអាក្រក់ជាងគ្រោះទឹកជំនន់នៅ Henan កាលពីដើមឆ្នាំនេះទៅទៀត៕
ប្រែសម្រួល៖ Vann Vann
ប្រភព៖ BBC
ចុចអាន៖ ភាគខាងត្បូងប្រទេសបារាំង រងគ្រោះធ្ងន់ធ្ងរ ដោយទឹកជំនន់ (វីដេអូ)
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore