អ្នកនាំពាក្យ៖ ស្ថានភាពជំនន់ទឹក​ស្ទឹងព្រែកត្នោត​បានស្រកចុះ​ជាបណ្តើរៗហើយ

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍នៅព្រឹកថ្ងៃទី២២ តុលានេះថា គិតត្រឹមវេលាម៉ោង ៧:៣០យប់ ថ្ងៃទី២១តុលា ស្ថានភាពជំនន់ទឹកព្រែកត្នោត ក្នុងខណ្ឌដង្កោ និងខណ្ឌកំបូល រាជធានីភ្នំពេញបានចាប់ផ្តើមស្រកចុះជាបណ្តើរៗរហូតដល់ ០,០៤ ម៉ែត្រ ហើយប្រសិន​បើមិនមាន​ភ្លៀងធ្លាក់ទឹកនឹងបន្តស្រកចុះជាបន្តបន្ទាប់ទៀត។

លោកបានបន្តថា ជំនន់នេះបានប៉ះពាល់ ២ ខណ្ឌខាងលើស្មើ និង១២ សង្កាត់៣៩ភូមិប៉ះពាល់ប្រជាពលរដ្ឋចំនួន ២១៩៣ គ្រួសារ ស្មើនិង ៧៤១ ៧នាក់សី្រ៤០៧៧ នាក់។

លោកបានបញ្ជាក់ថា គិតត្រឹមថ្ងៃ២១ តុលា ជំនន់ស្ទឹងព្រែកត្នោតបានកើនឡើង ១ សង្កាត់ និងថយចុះភូមិចំនួន ២ភូមិនិងមានប្រជាពលរដ្ឋរងគ្រោះកើនដល់ ៩១៦ គ្រួសារ។ យ៉ាងណាក៏ដោយអាជ្ញាធរខណ្ឌដង្កោ និងខណ្ឌកាបូល កំពង់ចុះតាមដាន និងពិនិត្យស្ថានភាពប្រចាំថ្ងៃ ។

គួរបញ្ជាក់ថា ស្ថានភាពជំនន់ទឹកស្ទឹងព្រែកត្នោតគិតត្រឹម វេលាម៉ោង ៦និង៣០យប់ថ្ងៃទី២០ ខែតុលា ឆ្នាំ២០២៣ បានបណ្តាលឱ្យប៉ះពាល់ ២ខណ្ឌគឺខណ្ឌដង្កោ និងខណ្ឌកំបូល ស្មើនិង១១ សង្កាត់, ភូមិ ៤១ ដោយប៉ះពាល់​ប្រជាពលរដ្ឋ១២៧៧  គ្រួសារ ស្មើនិង ៤៤០១ នាក់ សី្រ ២៤១៧ នាក់៕

អត្ថបទ៖ សំអឿន