ព័ត៌មានជាតិ
ទឹកជំនន់បន្តកើនឡើងនៅសង្កាត់ចំនួន ៥ ក្នុងខណ្ឌច្បារអំពៅ និងសង្កាត់ចាក់អង្រែក្រោម
គិតត្រឹមថ្ងៃទី ២៤ ខែតុលានេះនៅមូលដ្ឋានខណ្ឌច្បារអំពៅ និងខណ្ឌមានជ័យរាជធានីភ្នំពេញសភាពការណ៍ទឹកជំនន់កាន់តែកើនឡើងហើយបងប្អូនប្រជាពលរដ្ឋលោកកំពុងខកខានប្រកបរបរទទួលទានព្រោះរវល់តែរកវិធីដោះស្រាយបញ្ហាទឹកលិចក្នុងផ្ទះ ខណៈតាមដងផ្លូវទឹកលិចជិតដល់ ១ ម៉ែត្រ។
![](https://www.kampucheathmey.com/wp-content/uploads/2023/10/photo_2023-10-20_10-39-39-1024x768.jpg)
លោក គុយ គឹមហ៊ាង នាយករងសាលាខណ្ឌច្បារអំពៅបានឲ្យដឹងថា មកដល់ថ្ងៃទី ២៤ ខែតុលានេះទឹកជំនន់បង្កឲ្យលិចលង់ផ្ទះសម្បែងរបស់ប្រជាពលរដ្ឋក្នុងខណ្ឌច្បារអំពៅមាន ៥ សង្កាត់ ហើយក្នុងនោះមានសង្កាត់ព្រែកប្រា សង្កាត់ព្រែកថ្មី សង្កាត់ព្រែកឯងសង្កាត់វាលស្បូវ និងសង្កាត់និរោធន៍។
សង្កាត់ដែលលិចធ្ងន់ធ្ងរចាប់តាំងពីថ្ងៃទី ១៣ ខែតុលា មកដល់ថ្ងៃនេះគឺសង្កាត់ព្រែកប្រា សង្កាត់វាលស្បូវ និងព្រែកថ្មី។ហើយអាជ្ញាធរដាក់ម៉ាសុីនបូមទឹកខ្នាតធំសម្រាប់ដាក់បូមគ្រប់សង្កាត់ដែលរងការលិចលង់រួចរាល់ហើយប៉ុន្តែមិនអាចស្រកលឿនដោយសារតែភ្លៀងចេះតែធ្លាក់។
![](https://www.kampucheathmey.com/wp-content/uploads/2023/10/photo_2023-10-20_10-39-28-1024x768.jpg)
ដោយឡែកក្នុងភូមិសាស្រ្តខណ្ឌមានជ័យវិញលោក ឡុង ង៉ែត អភិបាលរងខណ្ឌបានឲ្យដឹងថាក្នុងខណ្ឌមានជ័យគឺស្ថានភាពទឹកជំនន់បានលិចលង់សង្កាត់ចាក់អង្រែក្រោម សង្កាត់បឹងទំពន់ធ្ងន់ធ្ងរជាងគេ។ ហើយក្នុងនោះកងអង្គភាពអន្តរាគមន៍អង្គរក្សសម្តេចធិបតី ហ៊ុន ម៉ាណែត បានយកម៉ាសុីនបូមទឹកដាក់បូមប្រមាណជិត១០គ្រឿងរួចរាល់ហើយ៕
![](https://www.kampucheathmey.com/wp-content/uploads/2023/10/photo_2023-10-20_10-39-20-1024x768.jpg)
![](https://www.kampucheathmey.com/wp-content/uploads/2023/10/395180392_312648338047440_3006009406052609313_n-1024x576.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៥ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ សប្តាហ៍ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី