Connect with us

ព័ត៌មានជាតិ

​​ទឹកជំនន់បន្តកើនឡើងនៅសង្កាត់ចំនួន ៥ ក្នុងខណ្ឌច្បារអំពៅ និងសង្កាត់ចាក់អង្រែក្រោម

បានផុស

នៅ

គិតត្រឹមថ្ងៃទី ២៤ ខែតុលានេះនៅមូលដ្ឋានខណ្ឌច្បារអំពៅ និងខណ្ឌមានជ័យរាជធានីភ្នំពេញសភាពការណ៍ទឹកជំនន់កាន់តែកើនឡើងហើយបងប្អូនប្រជាពលរដ្ឋលោកកំពុងខកខានប្រកបរបរទទួលទានព្រោះរវល់តែរកវិធីដោះស្រាយបញ្ហាទឹកលិចក្នុងផ្ទះ ខណៈតាមដងផ្លូវទឹកលិចជិតដល់ ១ ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គុយ គឹមហ៊ាង នាយករងសាលាខណ្ឌច្បារអំពៅបានឲ្យដឹងថា មកដល់ថ្ងៃទី ២៤ ខែតុលានេះទឹកជំនន់បង្កឲ្យលិចលង់ផ្ទះសម្បែងរបស់ប្រជាពលរដ្ឋក្នុងខណ្ឌច្បារអំពៅមាន ៥ សង្កាត់ ហើយក្នុងនោះមានសង្កាត់ព្រែកប្រា សង្កាត់ព្រែកថ្មី សង្កាត់ព្រែកឯងសង្កាត់វាលស្បូវ និងសង្កាត់និរោធន៍។

សង្កាត់ដែលលិចធ្ងន់ធ្ងរចាប់តាំងពីថ្ងៃទី ១៣ ខែតុលា មកដល់ថ្ងៃនេះគឺសង្កាត់ព្រែកប្រា សង្កាត់វាលស្បូវ និងព្រែកថ្មី។ហើយអាជ្ញាធរដាក់ម៉ាសុីនបូមទឹកខ្នាតធំសម្រាប់ដាក់បូមគ្រប់សង្កាត់ដែលរងការលិចលង់រួចរាល់ហើយប៉ុន្តែមិនអាចស្រកលឿនដោយសារតែភ្លៀងចេះតែធ្លាក់។

ដោយឡែកក្នុងភូមិសាស្រ្តខណ្ឌមានជ័យវិញលោក ឡុង ង៉ែត អភិបាលរងខណ្ឌបានឲ្យដឹងថាក្នុងខណ្ឌមានជ័យគឺស្ថានភាពទឹកជំនន់បានលិចលង់សង្កាត់ចាក់អង្រែក្រោម សង្កាត់បឹងទំពន់ធ្ងន់ធ្ងរជាងគេ។ ហើយក្នុងនោះកងអង្គភាពអន្តរាគមន៍អង្គរក្សសម្តេចធិបតី ហ៊ុន ម៉ាណែត បានយកម៉ាសុីនបូមទឹកដាក់បូមប្រមាណជិត១០គ្រឿងរួចរាល់ហើយ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម