Connect with us

ព័ត៌មានអន្ដរជាតិ

ទឹកជំនន់នៅអាហ្វ្រិក សម្លាប់ប្រជាជនសូម៉ាលី ២៩នាក់

បានផុស

នៅ

ទីភ្នាក់ងារគ្រប់គ្រងគ្រោះមហន្តរាយជាតិនិយាយនៅថ្ងៃពុធ ទី៨ ខែវិច្ឆិកាថា ទឹកជំនន់ដ៏អាក្រក់បំផុតបានវាយប្រហារប្រទេសសូម៉ាលី បណ្ដាលឱ្យមនុស្សចំនួន ២៩នាក់ស្លាប់ និងបង្ខំប្រជាជនជាង ៣០០,០០០នាក់ ភៀសខ្លួនចេញពីផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនេះអាជ្ញាធរបាននិងកំពុងព្យាយាមជួយសង្គ្រោះមនុស្សរាប់ពាន់នាក់ដែលជាប់គាំងដោយសារទឹកជំនន់ ខណៈប្រទេសសូម៉ាលីធ្លាប់ជួបគ្រោះរាំងស្ងួតដ៏អាក្រក់បំផុត ក្នុងរយៈពេល ៤០ឆ្នាំមកហើយ។

លោក Hassan Isse នាយកគ្រប់គ្រងនៃទីភ្នាក់ងារគ្រប់គ្រងគ្រោះមហន្តរាយសូម៉ាលី (SOMDA) បាននិយាយថា “អ្វីដែលកំពុងកើតឡើងនាពេលបច្ចុប្បន្ននេះគឺអាក្រក់បំផុតក្នុងរយៈពេលច្រើនទសវត្សរ៍មកនេះ ហើយវាអាក្រក់ជាងកាលទឹកជំនន់ឆ្នាំ ១៩៩៧ ទៅទៀត” ។ លោក Hassan Isse បន្ថែមថា ចំនួនអ្នកស្លាប់ និងចំនួនមនុស្សផ្លាស់ទីលំនៅទំនងជាកើនឡើងបន្ថែមទៀត ដោយសារតែមនុស្សជាច្រើនបានជាប់គាំងដោយសារទឹកជំនន់។

ដោយឡែករបាយការណ៍អង្គការសហប្រជាជាតិបានឱ្យដឹងថា យ៉ាងហោចណាស់មនុស្ស ២,២០០នាក់នៅក្នុងទីក្រុង Luuq នៃប្រទេសសូម៉ាលី ត្រូវបានកាត់ផ្តាច់ពីទីតាំងក្បែរខាង ព្រោះទឹកទន្លេបានបាក់ច្រាំង។

ក្រៅពីសូម៉ាលី ប្រទេសផ្សេងទៀតនៅអាហ្រ្វិកខាងកើត រួមមានកេនយ៉ា និងអ៊ុយហ្គាន់ដាក៏កំពុងប្រឈមគ្រោះទឹកជំនន់ផងដែរ ខណៈកេនយ៉ាមានមនុស្សស្លាប់ ១៥នាក់ ចំណែកផ្លូវថ្នល់ និងស្ពានជាច្រើននៅអ៊ុយហ្គាន់ដា ត្រូវបានកាត់ផ្តាច់៕

ប្រែសម្រួល៖ សន្យា

ប្រភព៖ CNA

ចុចអាន៖ ប្រទះឃើញលលាដ៍ក្បាល​មនុស្ស​មែនទែន ​ក្នុង​កន្លែង​តាំងបុណ្យ Halloween នៅរដ្ឋ Florida

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម