Manny Pacquiao ឆ្ពោះទៅតំណែងប្រធានាធិបតីហ្វីលីពីន ក្រោយជាប់ឆ្នោតជាប្រធានគណបក្សកាន់អំណាច

អ្នកប្រដាល់ជើងឯកពិភពលោក និងជាសមាជិកព្រឹទ្ធសភាហ្វីលីពីន Manny Pacquiao ត្រូវបានជាប់ឆ្នោតជាប្រធានគណបក្ស PDP-Lanban របស់លោកប្រធានាធិបតី Rodrigo Duterte ដែលកំពុងកាន់អំណាច ហើយអាចនឹងក្លាយជាប្រធានាធិបតីក្នុងការបោះឆ្នោតឆ្នាំ ២០២២ ។

Pacquiao វ័យ ៤១ ឆ្នាំបានស្បថឡើងកាន់តំណែងជាប្រធានគណបក្ស PDP-Laban ដែលកំពុងកាន់អំណាចកាលពីថ្ងៃយប់ថ្ងៃពុធ ហើយលោក Ron Munsayac ប្រធានប្រតិបត្តិរបស់គណបក្សបានប្រកាសពីព្រឹត្តិការណ៍នេះនៅមួយថ្ងៃបន្ទាប់ ។

Pacquiao ដែលជាសមាជិកព្រឹទ្ធសភាចាប់តាំងពីឆ្នាំ ២០១៦ នឹងមកជំនួសសមាជិកព្រឹទ្ធសភាលោក Koko Pimentel ដែលជាសម្ព័ន្ធមិត្តជិតស្និទ្ធរបស់លោក Duterte ដែលបានលើកឡើងពីសមត្ថភាពរបស់អ្នកប្រដាល់ក្នុងការនាំយកគំនិតថ្មី និងទំនើបចូលក្នុងគណបក្សមុនការបោះឆ្នោតឆ្នាំ ២០២២ ។

ចំណែកលោក Lord Allan Velasco បច្ចុប្បន្នជាប្រធានសភាជាន់ទាបហ្វីលីពីន និងជាផ្នែកមួយនៃសម័ន្ធមិត្តជិតស្និទ្ធម្នាក់ទៀតរបស់លោក Duterte នៅក្នុងសភានីតិប្បញ្ញត្តិត្រូវបានជ្រើសរើសជាអនុប្រធានគណបក្ស PDP-Lanban ៕

ប្រែសម្រួលដោយ ៖ ជីវ័ន្ត

ប្រភព ៖ The New Daily

ចុចអាន ៖ ក្រុម ISIS កំពុងរៀបចំផែនការវាយប្រហារភេរវកម្មក្នុងថ្ងៃបុណ្យណូអែលនៅអង់គ្លេស និងអឺរ៉ុប

ចុចអាន ៖ លោក Biden ស្នើពលរដ្ឋពាក់ម៉ាសរយៈពេល ១០០ ថ្ងៃពេញ ស្របពេលជនជាតិអាមេរិកម្នាក់ស្លាប់ដោយសារកូវីដ១៩ រៀងរាល់ ៣០ វិនាទីម្ដង