ព័ត៌មានអន្ដរជាតិ

ថ្ងៃនេះ តម្លៃប្រេងបន្តធ្លាក់ចុះស្របពេលមានក្តីរំពឹងបញ្ចេញប្រេងបម្រុង

បានផុស

៥ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

តម្លៃប្រេងឆៅអាមេរិកបានធ្លាក់ចុះនៅក្នុងពាណិជ្ជកម្មព្រឹកថ្ងៃចន្ទនេះដែលបន្តការធ្លាក់កាលពីថ្ងៃសុក្រ បន្ទាប់ពីប្រទេសជប៉ុនបាននិយាយកាលពីចុងសប្តាហ៍នេះថា ខ្លួនកំពុងពិចារណានបញ្ចេញប្រេងបម្រុងដើម្បីជួយបន្ធូរបន្ថយតម្លៃ។

ប្រេងឆៅរបស់ក្រុមហ៊ុនយក្សអាមេរិក WTI បានធ្លាក់តម្លៃ៦៥សេន ឬស្មើនឹង 0.៩% នៅក្នុង១បារ៉ែលដែលមានតម្លៃ៧៥.២៥ដុល្លារអាមេរិក បន្ទាប់ពីធ្លាក់ចុះទាបបំផុតដល់៧៤.៧៥ដុល្លារចាប់តាំងថ្ងៃទី១ ខែតុលា។ កាលពីថ្ងៃសុក្រតម្លៃប្រេងរបស់ WTI និង Brent បានធ្លាក់ចុះប្រមាណ៣%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្ត្រីជប៉ុន Fumio Kishida បាននិយាយជាលក្ខណៈបង្ហាញសញ្ញាកាលពីថ្ងៃសៅរ៍ថា លោកបានត្រៀមខ្លួនរួចរាល់ហើយដើម្បីជួយតម្លៃប្រេងឡើង បន្ទាប់ពីមានការស្នើសុំពីសហរដ្ឋអាមេរិកឲ្យបញ្ចេញប្រេងបម្រុង។

ទោះបីជាយ៉ាងណា ច្បាប់ជប៉ុនអនុញ្ញាតឲ្យបញ្ចេញប្រេងបម្រុងនៅក្នុងលក្ខខណ្ឌដែលមានឧបសគ្គផ្គត់ផ្គង់ ឬគ្រោះមហន្តរាយធម្មជាតិប៉ុណ្ណោះ។

លោក Kishida បាននិយាយថា ៖«យើងកំពុងបន្តពិចារណាតាមអ្វីដែលយើងអាចធ្វើតាមផ្លូវច្បាប់ដើម្បីជាមូលដ្ឋានក្នុងសម្របសម្រួលជាមួយសហរដ្ឋអាមេរិក និងប្រទេសផ្សេងៗទៀតដែលពាក់ព័ន្ធ។

ខាងផ្នែកតម្រូវការ ការព្រួយបារម្ភកំពុងកើនឡើងថា ការរឹតបណ្តឹងបំរាមកូវីដ-១៩ជាថ្មីនៅអឺរ៉ុបអាចនឹងធ្វើតម្រូវការកាន់តែកើនខ្ពស់។ ប្រទេសអាល្លឺម៉ង់បានព្រមានកាលពីថ្ងៃសុក្រថា ខ្លួនប្រហែលជាដាក់បំរាមពេញបន្ទុកមួយ បន្ទាប់ពីប្រទេសអូទ្រីសនិយាយថា ខ្លួននឹងដាក់វិធានការណ៍តឹងរឹងឡើងវិញដើម្បីទប់ស្កាត់កូវីដ៕

ប្រែសម្រួល៖ វីរបុត្រ
ប្រភព៖ Reuters

Related Topics:តម្លៃប្រេង