ព័ត៌មានអន្ដរជាតិ
អ្នកដំណើរពីនីហ្សេរីយ៉ាទៅអង់គ្លេសត្រូវបង់ជាង៣ពាន់ដុល្លារធ្វើចត្តាឡីស័ក
ប្រទេសនីហ្សេរីយ៉ាបានថ្កោលទោសប្រទេសអង់គ្លេសពីការរើងអើងធ្វើដំណើរ ដោយសារតែដាក់បញ្ចូលប្រទេសខ្លួនក្នុងបញ្ជីក្រហម បន្ទាប់ពីរកឃើញវីរុសបំប្លែងខ្លួន Omicron ដែលពាក់ព័ន្ធនឹងអ្នកដំណើរចេញពីនីហ្សេរីយ៉ា។
អ្នកដំណើរដែលទៅដល់ចក្រភពអង់គ្លេសចេញពីនីហ្សេរីយ៉ាត្រូវធ្វើចត្តាឡីស័ក១០ថ្ងៃនៅសណ្ឋាគារដោយត្រូវចំណាយប្រាក់ប្រមាណ ២២៨៩ផោន (៣០៣៥ដុល្លារអាមេរិក) និងមានលទ្ធផលតេស្តអវិជ្ជមានដោយ PCR ពីរលើកដែលជាផ្នែកនៃវិធានការថ្មីចាប់មានប្រសិទ្ធិពីម៉ោង៤ព្រឹក ថ្ងៃចន្ទម្សិលមិញ។
ក្រសួងសុខាភិបាលអង់គ្លេសបាននិយាយថា អ្នកឆ្លងវីរុស Omicron ២១ករណីនៅអង់គ្លេសត្រូវបានរកឃើញជាប់ពាក់ព័ន្ធនឹងការធ្វើដំណើរមកពីប្រទេសនីហ្សេរីយ៉ា។ ឥឡូវនេះ អង់គ្លេសមានអ្នកឆ្លងវីរុសនេះឡើងដល់១៣៤ករណីហើយ។
ឧត្តមស្នងការនីហ្សេរីយ៉ាងប្រចាំនៅទីក្រុងឡុងដ៍ លោក Sarafa Tunji Isola បាននិយាយថា លោកឯកភាពតាមអគ្គលេខាធិការអង្គការសហប្រជាជាតិលោក António Guterres ដែលបានរិះគន់ពីវិធានការដាក់បំរាមរបស់ប្រទេសផ្សេងៗប្រឆាំងនឹងប្រទេសអាហ្វ្រិកថាជា«ការរើសអើងធ្វើដំណើរ»។
លោក Isola ថា ៖«ប្រតិកម្មរបស់នីហ្សេរីយ៉ាងគឺជា ការរើសអើងធ្វើដំណើរ។ ពីព្រោះ តាមពិតទៅ នីហ្សេរីយ៉ាយល់ស្របតាមគោលជំហររបស់លោកអគ្គលេខាធិការ UN ដែលថា បំរាមធ្វើដំណើរគឺជាការរើសអើងដែលនេះគឺមិនមែនជាការដោះស្រាយស្ថានភាពកូវីដទេ។ យើងត្រូវដោះស្រាយតាមអ្វីដែលជាគោលការណ៍សកល មិនមែនជាការជ្រើសរើស»។
លោកបានបញ្ជាក់ថា ៖«វីរុសបំប្លែងខ្លួន Omicron ជាប្រភេទវីរុសឈឺស្រាល មិនចូលមន្ទីរពេទ្យឬក៏ស្លាប់ឡើយ។ ដូច្នេះបញ្ហានេះខុសគ្នានឹងវីរុស Delta។ ខ្ញុំចង់មានន័យពីគោលជំហរផ្អែកលើវិទ្យាសាស្ត្រ និងភស្តុតាងជាក់ស្តែង»៕
ប្រែសម្រួល៖ វីរបុត្រ
ប្រភព៖ theguardian
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ