ព័ត៌មានអន្ដរជាតិ

អង់គ្លេសប្រាប់ថា វ៉ាក់សាំង៣ដូសទើបអាចទប់ទល់នឹង Omicron បាន

បានផុស

២ years មុន

នៅ

ថ្ងៃសៅរ៍ ១១ ធ្នូ ២០២១

ដោយ

វ៉ាក់សាំងត្រឹមតែពីរដូសមិនគ្រាប់គ្រាន់សម្រាប់ការទប់ទល់នឹងវីរុសបំប្លែងខ្លួនថ្មី Omicron បានឡើយ។ នេះជាការព្រមានពីអ្នកវិទ្យាសាស្ត្រអង់គ្លេស និងបានបញ្ជាក់ដា ទាល់តែ៣ដូសទើបអាចការពារបាន។

ការវិភាគដំបូងលើវីរុសបំប្លែងថ្មី Omicron និងវីរុស Delta របស់ចក្រភពអង់គ្លេសបានបង្ហាញថា វ៉ាក់សាំងមិនសូវមានប្រសិទ្ធភាពក្នុងការបញ្ឈប់វីរុសបំប្លែងខ្លួនថ្មីទេ។ ប៉ុន្តែការចាក់ដូសបន្ថែម (ដូសទី៣)ទើបមានប្រសិទ្ធភាពប្រហែល៧៥%ក្នុងការការពារពីរោគសញ្ញាកូវីដ-១៩បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមជាមួយគ្នានេះ រដ្ឋមន្ត្រីលំនៅដ្ឋាន សហគមន៍ និងរដ្ឋាភិបាលមូលដ្ឋានអង់គ្លេស លោក Michael Gove បានព្រមានថា ចក្រភពអង់គ្លេសប្រឈមនឹងស្ថានភាពកង្វល់ដ៏អាក្រក់។

នៅចក្រភពអង់គ្លេសមានករណីឆ្លងវីរុស Omicron ១២៦៥នាក់ និងករណីឆ្លងកូវីដកាលពីថ្ងៃសុក្រកាលពីម្សិលមិញមាន៥៨១៩៤នាក់ដែលជាចំនួនច្រើនបំផុតគិតចាប់តាំងពីថ្ងៃទី៩ ខែមករាមក។

ទីភ្នាក់ងារសន្តិសុខសុខភាពអង់គ្លសបានបានរាយការណ៍ពីការធ្វើវិភាគលើករណីឆ្លង Omicron ៥៨១នាក់ និងករណីវីរុស Delta រាប់ពាន់នាក់ដើម្បីវាយតម្លៃពីប្រសិទ្ធភាពវ៉ាក់សាំងប្រឆាំងនឹងវីរុសថ្មី។

ការវិភាគផ្អែកលើទិន្នន័យមានកំណត់ ប៉ុន្តែបានបង្ហាញថា ប្រសិទ្ធភាពរបស់វ៉ាក់សាំង Oxford-AstraZeneca ធ្លាក់ចុះយ៉ាងខ្លាំង និងវ៉ាក់សាំង Pfizer ពីរដូសក៏ធ្លាក់ចុះគួរឲ្យកត់សំគាល់ដែរ។

សម្រាប់ការចាក់ដូសទី៣បានផ្តល់ប្រសិទ្ធភាពប្រមាណ៧៥%ប្រឆាំងនឹងរោគសញ្ញាកូវីដ-១៩ថ្មី ប៉ុន្តែមិនខ្ពស់ខ្លាំងដូចវីរុសមុនៗទេ។

ទោះបីជាយ៉ាងណា ទីភ្នាក់ងារសន្តិសុខសុខភាពអង់គ្លេសបាននិយាយថា វ៉ាក់សាំងនៅតែផ្តល់ប្រសិទ្ធភាពល្អប្រឆាំងការឈឺធ្ងន់ធ្ងរដែលត្រូវការចូលព្យាបាលនៅមន្ទីរពេទ្យ។

ទិន្នន័យពិតប្រាកដពីការសិក្សាមន្ទីរពិសោធបង្ហាញថា ការថយចុះ៤០ដងនៅក្នុងសមត្ថភាពអង់ទីគ័រពីមនុស្សដែលបានចាក់វ៉ាក់សាំងពីរដូស។

មានសុទិដ្ឋិនិយមថា វ៉ាក់សាំងនៅនៅតែរក្សាមនុស្សជាច្រើនមិនឲ្យចូលមន្ទីរពេទ្យ បើទោះជាពួកគេបានឆ្លងក៏ដោយ។ ទិន្នន័យអំពីការឈឺធ្ងន់ធ្ងរអាចនឹងចេញជាផ្លូវការនាសប្តាហ៍ក្រោយ៕

ប្រែសម្រួល៖ វីរបុត្រ
ប្រភព៖ BBC

Related Topics:កូវីដ-១៩