ព័ត៌មានអន្ដរជាតិ
រដ្ឋមន្ត្រីម៉ាដាហ្គាស្កាម្នាក់ហែលទឹកពេញមួយយប់ទើបដល់គោក ក្រោយធ្លាក់ឧទ្ធម្ភាគចក្រ
រដ្ឋមន្ត្រីប្រទេសម៉ាដាហ្គាស្កាម្នាក់ក្នុងចំណោមអ្នករស់រានមានជីវិត២នាក់បានតស៊ូហែលទឹកយ៉ាងយូររហូតដល់១២ម៉ោងដើម្បីទៅច្រាំងសមុទ្រ បន្ទាប់ឧទ្ធម្ភាគចក្ររបស់ពួកគេបានធ្លាក់ចូលទៅក្នុងទឹកសមុទ្រនៅភាគខាងជើងកោះរបស់ប្រទេស។ នេះបើតាមអាជ្ញាធរបាននិយាយ។
ប៉ូលិស និងអាជ្ញាធរកំពង់ផែបាននិយាយថា ការស្រាវជ្រាវបានកំពុងបន្តសម្រាប់អ្នកដំណើរពីរនាក់ទៀត ក្រោយពេលឧទ្ធម្ភាគចក្របានធ្លាក់កាលពីថ្ងៃចន្ទដែលមូលហេតុនៃគ្រោះថ្នាក់នេះមិនទាន់ត្រូវបានគេឲ្យដឹងភ្លាមៗទេ។
លោក Serge Gelle ជារដ្ឋមន្ត្រីម្នាក់នៅក្រសួងមហាផ្ទៃ និងមន្ត្រីប៉ូលិសម្នាក់ទៀតបានទៅដល់ដីគោកនៅទីក្រុងមាត់សមុទ្រ Mahambo នាព្រឹកថ្ងៃអង្គារ៍ បន្ទាប់ពីគ្រោះថ្នាក់បានកើតមានឡើងនាយប់ថ្ងៃចន្ទ។
វីដេអូដែលត្រូវបានគេបង្ហោះតាមបណ្តាញទំនាក់ទំនងសង្គម លោក Gelle អាយុ៥៧ឆ្នាំមើលទៅនឿយហត់អស់កម្លាំងខ្លាំង ប៉ុន្តែលោកនៅតែស្លៀកពាក់ឯកសណ្ឋានប៉ូលិសដដែល។
លោកបាននិយាយថា ៖«ពេលវេលាស្លាប់របស់ខ្ញុំមិនទាន់មកដល់» ហើយបន្ថែមថា លោកត្រជាក់ខ្លាំង ប៉ុន្តែគ្មានរងរបួសអ្វីទេ។
ឧទ្ធម្ភាគចក្របានកំពុងហោះដឹកលោក និងអ្នកដទៃដើម្បីពិនិត្យមើលទីតាំងដែលលិចនាវានៅឆ្នេរភាគខាងលិចកាលពីព្រឹកថ្ងៃចន្ទ។
លោកឧត្តមសេនីយ៍ Zafisambatra Ravoavy បានឲ្យដឹងកាលពីថ្ងៃអង្គារ៍ថា យ៉ាងហោចណាស់មនុស្ស៣៩នាក់បានស្លាប់ក្នុងឧបទ្ទវហេតុនេះ។
លោក Ravoavy បានប្រាប់ថា លោក Gelle បានប្រើកៅអីរបស់ឧទ្ធម្ភាគចក្រដើម្បីហែលបណ្តែតទឹកទៅច្រាំង។
«លោកតែងតែមានកម្លាំងខ្លាំងក្នុងការលេងកីឡា ហើយលោកបានរក្សាចង្វាក់នេះក្នុងនាមជារដ្ឋមន្ត្រីដូចក្មេងអាយុ៣០ឆ្នាំអ៊ីចឹង»។ លោកបានបញ្ជាក់។
លោក Gelle បានក្លាយជារដ្ឋមន្ត្រីជាផ្នែកមួយនៃការរុះរើគណៈរដ្ឋមន្ត្រីក្នុងខែសីហា បន្ទាប់ពីបម្រើការក្នុងប៉ូលីសអស់រយៈពេល៣ទសវត្សរ៍៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»