ព័ត៌មានអន្ដរជាតិ

ចិនព្រមានចាត់វិធានការចាស់ដៃ បើតៃវ៉ាន់ហ៊ានបង្កហេតុដើម្បីឯករាជ្យ

បានផុស

៣ years មុន

នៅ

ថ្ងៃពុធ ២៩ ធ្នូ ២០២១

ដោយ

ប្រទេសចិននឹងចាត់វិធានការធ្ងន់ធ្ងរ ប្រសិនបើកោះតៃវ៉ាន់មានចលនាឆ្ពោះទៅរកឯករាជ្យ។ នេះជាការព្រមានពីមន្ត្រីរដ្ឋាភិបាលទីក្រុងប៉េកាំងនៅថ្ងៃពុធនេះ និងបន្ថែមថា ការញុះញង់ និងជ្រែតជ្រៀកពីខាងក្រៅអាចកាន់តែខ្លាំងនៅឆ្នាំក្រោយ។

ចិនបានអះអាងពីកោះតៃវ៉ាន់ដែលគ្រប់គ្រងដោយប្រជាធិបតេយ្យជាទឹកដីរបស់ខ្លួន និងក្នុងរយៈពេល២ឆ្នាំចុងក្រោយនេះបានបង្កើនសម្ពាធយោធា និងការទូតដើម្បីអះអាងពីអធិបតេយ្យភាពដែលបង្កឲ្យទីក្រុងតៃប៊ិកាន់តែខឹង ហើយបង្កការព្រួយបារម្ភដល់ទីក្រុងវ៉ាស៊ីនតោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ma Xiaoguang អ្នកនាំពាក្យកិច្ចការបរទេសរបស់ចិនប្រចាំកោះតៃវ៉ាន់បាននិយាយថា ចិនបានកំពុងមានឆន្ទៈអស់ពីសមត្ថភាពដើម្បីស្វែងរកការបង្រួបបង្រួមដោយសន្តិភាពជាមួយតៃវ៉ាន់ ប៉ុន្តែអាចចាត់ការ ប្រសិនបើបន្ទាត់ក្រហមណាមួយដើម្បីឯករាជ្យភាពត្រូវបានឆ្លង។

«ប្រសិនបើកម្លាំងបំបែកខ្លួននៅតៃវ៉ាន់ស្វែងឯករាជ្យ កម្លាំងបង្កហេតុ ឬសូម្បីតែឆ្លងបន្ទាត់ក្រហមណាមួយ យើងនឹងចាត់វិធានការខ្លាំងក្លា»។ លោក Ma បាននិយាយ។

តៃវ៉ាន់ក្លាយជាកត្តាសំខាន់នៅក្នុងទំនាក់តានតឹងរវាងតៃវ៉ាន់ និងសហរដ្ឋអាមេរិក ដែលជាអ្នកគាំទ្រអន្តរជាតិ និងផ្គត់ផ្គង់សព្វាវុធសំខាន់បំផុតរបស់កោះមួយនេះ បើទោះជាអវត្តមានទំនាក់ទំនងការទូតផ្លូវការ។

ចិនជាទូទៅបានចាត់ទុកកោះតៃវ៉ាន់ជាបញ្ហារសើបបំផុតនៅក្នុងទំនាក់ទំនងរបស់ខ្លួនជាមួយសហរដ្ឋអាមេរិក។

លោក Ma បានលើកឡើងថា ការញុះញង់ដោយកម្លាំងគាំទ្រឯករាជ្យ និងការការជ្រៀតជ្រែកពីខាងក្រៅអាចកាន់តែតឹងតែងខ្លាំងជាងមុន។

«ឆ្នាំក្រោយ ស្ថានភាពច្រកសមុទ្រតៃវ៉ាន់នឹងកាន់តែស្មុគស្មាញ និងធ្ងន់ធ្ងរ»។ នេះជាសំដីរបស់លោក Ma៕

ប្រែសម្រួល៖ វីរបុត្រ
ប្រភព៖ reuters

Related Topics:កោះតៃវ៉ាន់