ព័ត៌មានអន្ដរជាតិ
ថៃ អនុញ្ញាតឲ្យដាំ កញ្ឆា នៅតាមផ្ទះ
ក្រុមប្រឹក្សាប្រឆាំងគ្រឿងញៀនរបស់ប្រទេសថៃកាលពីថ្ងៃអង្គារទី២៥ខែមករា បាននិយាយថា ខ្លួននឹងដក កញ្ឆា ចេញពីបញ្ជីថ្នាំញៀនរបស់ខ្លួន ដោយបើកផ្លូវឲ្យគ្រួសារនានា ដាំដំណាំនេះនៅតាមផ្ទះ។
ក្នុងឆ្នាំ២០១៨ ថៃបានក្លាយជាប្រទេសអាស៊ីអាគ្នេយ៍ដំបូងគេ ដែលចាត់ទុកកញ្ឆាជារឿងស្របច្បាប់សម្រាប់ការប្រើប្រាស់ និងស្រាវជ្រាវផ្នែកវេជ្ជសាស្រ្ត។
នៅក្រោមច្បាប់ថ្មីនេះ ប្រជាជន អាចដាំដើមកញ្ឆានៅតាមផ្ទះបាន បន្ទាប់ពីជូនដំណឹងដល់អាជ្ញាធរមូលដ្ឋានរបស់ពួកគេ ប៉ុន្តែកញ្ឆាមិនអាចប្រើប្រាស់សម្រាប់គោលបំណងពាណិជ្ជកម្មដោយគ្មានអាជ្ញាប័ណ្ណលើសពីនេះបានទេ។ នេះបើតាមសម្តីរដ្ឋមន្ត្រីក្រសួងសុខាភិបាលថៃលោក Anutin Charnvirakul។
ច្បាប់នេះ ត្រូវតែចេញផ្សាយនៅក្នុងកាសែត Royal Gazette ហើយត្រូវតែឆ្លងកាត់រយៈពេល ១២០ថ្ងៃ មុនពេលការដាំកញ្ឆានៅតាមផ្ទះនឹងក្លាយទៅជារឿងស្របច្បាប់។
ប្រធាននិយតករអាហារនិងឱសថថៃ លោក Paisal Dankhum ធ្លាប់បាននិយាយថា កញ្ឆាដែលដាំដុះនៅផ្ទះ គួរតែត្រូវបានប្រើប្រាស់សម្រាប់គោលបំណងវេជ្ជសាស្រ្តដូចជា ឱសថបុរាណជាដើម។
ច្បាប់នេះ នឹងដាក់ទណ្ឌកម្មលើការដាំកញ្ឆាដោយមិនជូនដំណឹងដល់រដ្ឋាភិបាល ដោយពិន័យជាទឹកប្រាក់រហូតដល់២០,០០០បាត (៦០៥ដុល្លារអាមេរិក) និងកំណត់ការផាកពិន័យរហូតដល់៣០០,០០០បាត ឬជាប់ពន្ធនាគាររយៈពេល៣ឆ្នាំ ឬពិន័យទាំងពីរ បើលក់កញ្ឆាដោយគ្មានអាជ្ញាប័ណ្ណ៕
ប្រែសម្រួល៖ Vann Vann
ប្រភព៖ CNA
ចុចអាន៖ គ្លីនិកនៅ ថៃ ចាប់ផ្ដើមយកកញ្ឆាព្យាបាលជំងឺមួយចំនួន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)