អ្នកវិទ្យាសាស្ត្រឥណ្ឌា បង្កើតវ៉ាក់សាំង មានប្រសិទ្ធភាពប្រឆាំងវីរុសកូវីដបំប្លែងខ្លួន គ្រប់ប្រភេទ

ក្រុមអ្នកវិទ្យាសាស្ត្រឥណ្ឌានិយាយថា ពួកគេបានបង្កើតវ៉ាក់សាំងដែលមានប្រសិទ្ធភាពប្រឆាំងនឹងវីរុសកូវីដ១៩បំប្លែងខ្លួនទាំងអស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកវិទ្យាសាស្ត្រនៅវិទ្យាស្ថានអប់រំ និងស្រាវជ្រាវវិទ្យាសាស្ត្រឥណ្ឌា និងសាកលវិទ្យាល័យ Kazi Nazrul ជឿថា វ៉ាក់សាំង AbhiSCoVac របស់ពួកគេនឹងអាចបង្កើតភាពស៊ាំការពារប្រឆាំងនឹងសមាជិកទាំង៦នៃគ្រួសារមេរោគ hCoV-229E, hCoV-HKU1, hCoV-OC43, SARS-CoV, MERS-CoV ក៏ដូចជា SARS-CoV-2 ផងដែរ។

ដំបូងឡើយ អ្នកស្រាវជ្រាវបានរកឃើញធាតុសំខាន់នៅក្នុងសរសៃប្រូតេអ៊ីន នៃមេរោគចំនួនប្រាំមួយផ្សេងគ្នា ដែលមានបម្រែបម្រួលមួយចំនួន។

លើសពីនេះ ធាតុដែលរកឃើញក្នុងប្រូតេអ៊ីននោះ គឺមានភាពស៊ាំខ្លាំង មានន័យថា ពួកគេអាចបង្កើតកម្រិតនៃការចងចាំ Immunological ដ៏ធំនៅក្នុងរាងកាយ ដែលមានសារៈសំខាន់ក្នុងការការពារប្រឆាំងនឹងមេរោគ។

គួរបញ្ជាក់ថា វ៉ាក់សាំងនេះត្រូវបានរចនាឡើងដោយក្រុមអ្នកស្រាវជ្រាវដោយប្រើវិធីសាស្ត្រគណនា។ ការស្រាវជ្រាវ​នេះ ត្រូវ​បាន​អនុម័តឲ្យ​ចុះ​ផ្សាយ​ក្នុង​ទិនានុប្បវត្តិ​ Molecular Liquids៕

ប្រែសម្រួល៖ Vann Vann

ប្រភព៖ Thaiger

ចុចអាន៖ វ៉ាក់សាំង Sputnik V កាត់បន្ថយ អត្រាមរណភាពមនុស្សវ័យចំណាស់ ដល់ទៅ៩៦,៦%