ព័ត៌មានអន្ដរជាតិ
បុរសអង់គ្លេស ត្រូវចោទប្រកាន់ រំលោភស្រ្តីម្នាក់លើយន្តហោះ ពេលអ្នកដំណើរផ្សេង កំពុងដេកលក់
បុរសជនជាតិអង់គ្លេសត្រូវបានចាប់ខ្លួន បន្ទាប់ពីអ្នករួមដំណើរម្នាក់ អះអាងថា នាងត្រូវបានចាប់រំលោភនៅក្នុងកាប៊ីនថ្នាក់ទី១ លើជើងហោះហើរឆ្លងកាត់មហាសមុទ្រអាត្លង់ទិក នាពេលយប់។
ជនរងគ្រោះ ដែលក៏មានសញ្ជាតិអង់គ្លេសផងដែរនោះ បានអះអាងថា នាងត្រូវបានគេរំលោភ ខណៈពេលអ្នកផ្សេងទៀត កំពុងដេកលង់លក់នៅលើយន្តហោះចេញពីទីក្រុង Newark នៃរដ្ឋ New Jersey ទៅកាន់អាកាសយានដ្ឋាន Heathrow នៃទីក្រុងឡុងដ៍។
នាងបានប្តឹងទៅអ្នកបម្រើការរបស់ជើងហោះហើរក្រុមហ៊ុន United Airlines ដោយនិយាយថា មានបុរសម្នាក់បានបង្ខំនាងឲ្យរួមភេទជាមួយគាត់។ នេះបើយោងតាមការចុះផ្សាយរបស់កាសែត The Sun។
ក្រុមបុគ្គលិកយន្តហោះ បានទូរសព្ទទៅប៉ូលិសក្រុងឡុងដ៍ជាមុន ដើម្បីរាយការណ៍ពីឧប្បត្តិហេតុនេះ ហើយមន្រ្តីប៉ូលិសក្រុង បានឡើងយន្តហោះដើម្បីចាប់ខ្លួនបុរសអាយុ៤០ឆ្នាំម្នាក់ បន្ទាប់ពីការចុះចត។
ចំណែកស្ត្រីដែលមានវ័យ៤០ឆ្នាំដូចគ្នា ក៏ត្រូវប៉ូលិសនាំទៅកន្លែងប្រឹក្សាការរំលោភសេពសន្ថវៈផងដែរ ដើម្បីសាកសួរ។
ជាមួយគ្នានេះ សមត្ថកិច្ចបានធ្វើការឆែកឆេរកាប៊ីន ខណៈបុរសដែលត្រូវបានចាប់ខ្លួន ពីបទរំលោភសេពសន្ថវៈ ត្រូវបាននាំទៅឃុំឃាំងនៅប៉ុស្តិ៍នគរបាល Heathrow។
ក្រុមមន្រ្តីបានធ្វើការស្កែនម្រាមដៃ ថតរូប និងពិនិត្យ DNA របស់គាត់។ ចាប់តាំងពីពេលនោះមក គាត់ត្រូវបានដោះលែងក្រោមការស៊ើបអង្កេត ជាបន្ត៕
ប្រែសម្រួល៖ Vann Vann
ប្រភព៖ Daily Mail
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត
-
ព័ត៌មានជាតិ៧ ថ្ងៃ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%