ពូទីន គិតខុស ២ ចំណុច ក្នុងការវាយលុក អ៊ុយក្រែន (មានវីដេអូ)

អ្នកប្រវត្តិសាស្ត្រអ៊ុយក្រែនម្នាក់ បានសរសេរអត្ថបទមួយនៅក្នុងកាសែត The New York Times កាលពីថ្ងៃអាទិត្យទី២០ខែមីនាថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានធ្វើការគណនាខុសចំនួនពីរចំណុច ទាក់ទងនឹងការវាយលុកអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yaroslav Hrytsak ប្រវត្តិវិទូ និងជាសាស្រ្តាចារ្យនៅសកលវិទ្យាល័យកាតូលិកអ៊ុយក្រែន បានសរសេរថា “ការវាយលុករបស់រុស្ស៊ី ត្រូវបានជួបប្រទះជាមួយនឹងការតស៊ូរបស់វីរជនអ៊ុយក្រែន និងការបង្រួបបង្រួមរបស់លោកខាងលិច”។

លោកបានសំដៅទៅលោក ពូទីន ថាជា អ្នកកលយុទ្ធដ៏ប៉ិនប្រសប់ ប៉ុន្តែជាអ្នកយុទ្ធសាស្ត្រគ្មានសមត្ថភាព ហើយបាននិយាយថា គាត់បានធ្វើការគណនាខុសធំបំផុត ដោយគាត់មិនបានគិតដល់ថា នឹងមានការឆ្លើយតបពីប្រទេសលោកខាងលិច និងការតស៊ូរបស់អ៊ុយក្រែនដូចបែបនេះទេ។

ទីមួយ គាត់សង្ឃឹមថា ដូចករណីសង្រ្គាមរបស់គាត់ប្រឆាំងនឹងហ្សកហ្ស៊ី, ពួកបស្ចិមប្រទេសនឹងមិនអើពើការវាយលុករបស់គាត់ប្រឆាំងនឹងអ៊ុយក្រែនឡើយ។ ការឆ្លើយតបរួបរួមពីលោកខាងលិចមិនមែនជាអ្វីដែលគាត់រំពឹងទុកនោះទេ។

ទីពីរ ចាប់តាំងលោក ពូទីន គិតក្នុងចិត្តថា រុស្ស៊ី និងអ៊ុយក្រែន ជាប្រទេសតែមួយ គាត់ជឿជាក់ថា ទាហានរុស្ស៊ី ដែលចូល អ៊ុយក្រែន នឹងទទួលការស្វាគមន៍ដោយផ្កា។

លោក Hrytsak បានសរសេរថា ទោះបីជាលោក ពូទីន ទំនងជាបង្កើនជម្លោះបន្ថែមទៀតក៏ដោយ ក៏គាត់ប្រហែលជាមិនអាចយកជ័យជម្នះបានដែរ។ លោក ពូទីន ជឿ​ថា គាត់​កំពុង​តែ​ធ្វើ​សង្គ្រាម​មិន​មែន​ជាមួយ​អ៊ុយក្រែន​ទេ ប៉ុន្តែ​ជាមួយ​លោក​ខាង​លិច​លើ​ទឹកដី​អ៊ុយក្រែន។

លោក Hrytsak អះអាងថា មធ្យោបាយតែមួយគត់ដើម្បីបញ្ឈប់លោក ពូទីន គឺត្រូវបង្វែរជំនឿរបស់គាត់ថា អ៊ុយក្រែនមិនមែនកំពុងប្រយុទ្ធតែម្នាក់ឯងទេ ប៉ុន្តែអ៊ុយក្រែនមានជំនួយពីលោកខាងលិចនិងជាផ្នែកមួយនៃលោកខាងលិច៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ The Hill

ចុចអាន៖ Joe Biden ធ្វើដំណើរទស្សនកិច្ចអឺរ៉ុប ដើម្បីប្រមូលការគាំទ្រ ប្រឆាំង Putin