Joe Biden ធ្វើដំណើរទស្សនកិច្ចអឺរ៉ុប ដើម្បីប្រមូលការគាំទ្រ ប្រឆាំង Putin (មានវីដេអូ)

សេតវិមានបាននិយាយកាលពីថ្ងៃអាទិត្យទី២០ខែមីនាថា ប្រធានាធិបតីសហរដ្ឋអាមេរិកលោក Joe Biden នឹងធ្វើដំណើរទៅកាន់ប្រទេសប៉ូឡូញនៅថ្ងៃសុក្រទី២៥ខែមីនាខាងមុខនេះ ដើម្បីជួបជាមួយលោកប្រធានាធិបតី Andrzej Duda សម្រាប់កិច្ចពិភាក្សាជុំវិញការវាយលុករបស់រុស្ស៊ីលើអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យសេតវិមានលោកស្រី Jen Psaki បាននិយាយនៅក្នុងសេចក្តីថ្លែងការណ៍មួយថា “លោកប្រធានាធិបតី នឹងពិភាក្សាអំពីរបៀបដែលសហរដ្ឋអាមេរិក រួមជាមួយសម្ព័ន្ធមិត្ត និងដៃគូរបស់យើង កំពុងឆ្លើយតបទៅនឹងវិបត្តិមនុស្សធម៌ និងសិទ្ធិមនុស្ស ដែលបង្កើតឡើងដោយសង្រ្គាមអយុត្តិធម៌ និងគ្មានហេតុផលរបស់រុស្ស៊ីលើអ៊ុយក្រែន”។

សេចក្តីថ្លែងការណ៍បានបន្ថែមថា ដំណើររបស់លោក Biden នឹងធ្វើឡើងបន្ទាប់ពីដំណើរទស្សនកិច្ចទៅកាន់ប្រទេសបែលហ្ស៊ិក ដើម្បីជួបជាមួយបណ្តាមេដឹកនាំមកពីអង្គការសន្ធិសញ្ញាអាត្លង់ទិកខាងជើង (NATO), ក្រុមប្រទេស G7 និងសហភាពអឺរ៉ុប។

លោកស្រី Psaki បាននិយាយអំពីដំណើររបស់លោក Biden ទៅកាន់អឺរ៉ុបថា “ដំណើរនេះ នឹងផ្តោតលើការបន្តប្រមូលផ្តុំពិភពលោក ក្នុងការគាំទ្រប្រជាជនអ៊ុយក្រែន និងប្រឆាំងការវាយលុករបស់លោកប្រធានាធិបតី Putin”។

ទោះបីជាយ៉ាងណាក៏ដោយ លោក Biden​ ​មិន​មាន​គម្រោង​ធ្វើ​ដំណើរ​ចូល​ទៅ​ក្នុង​ប្រទេស​អ៊ុយក្រែន​នោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ លោក Zelensky៖ ការចរចាបរាជ័យមានន័យថាជា សង្គ្រាមលោកលើកទីបី