អ៊ុយក្រែន ប្រាប់ប្រទេសដទៃ ឲ្យយកគំរូតាមអង់គ្លេស

បន្ទាប់ពីជំនួបរវាងលោក Volodymyr Zelensky និង Boris Johnson នៅទីក្រុង កៀវ ប្រធានាធិបតីអ៊ុយក្រែនបានសង្កត់ធ្ងន់ថា លោកខាងលិចត្រូវតែបង្កើនការដាក់ទណ្ឌកម្មប្រឆាំងនឹងរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយនៅក្នុងសន្និសីទខ្លីមួយបន្ទាប់ពីជំនួបនោះថា “មានការសន្និដ្ឋានមួយ វាជារឿងធម្មតា៖ យើងត្រូវតែដាក់សម្ពាធលើរុស្ស៊ីឲ្យកាន់តែខ្លាំង ដាក់សម្ពាធរុស្ស៊ីតាមរយៈជំនួយដ៏មានប្រសិទ្ធភាពសម្រាប់ប្រជាជនអ៊ុយក្រែន ក្នុងការការពារប្រឆាំងនឹងរុស្ស៊ី ដាក់សម្ពាធជាមួយនឹងទណ្ឌកម្ម”។

លោក Zelensky បានបន្ថែមថា “វាដល់ពេលដែលត្រូវដាក់ទណ្ឌកម្មទាំងស្រុងលើថាមពលរបស់រុស្ស៊ី និងបង្កើនការចែកចាយអាវុធដល់ពួកយើងហើយ”។

លោកប្រធានាធិបតីបាននិយាយថា លោកបានពន្យល់ប្រាប់លោក Johnson អំពីកិច្ចចរចាសន្តិភាពដែលកំពុងបន្តជាមួយរុស្ស៊ី និងការអះអាងរបស់អ៊ុយក្រែនថា កិច្ចព្រមព្រៀងសន្តិភាពណាមួយ គួរតែរួមបញ្ចូលការធានាសន្តិសុខរឹងមាំសម្រាប់អ៊ុយក្រែន។

លោកនិយាយថា “យើងរំពឹងថា ទីក្រុងឡុងដ៍នឹងដើរតួយ៉ាងសំខាន់ក្នុងដំណើរការនេះ។ ចក្រភពអង់គ្លេសគឺជាគំរូសម្រាប់ប្រទេសផ្សេងទៀត ក្នុងការការដាក់ទណ្ឌកម្ម”៕

ប្រែសម្រួល៖ Vann Vann

ប្រភព៖ BBC

ចុចអាន៖ ជនជាតិអ៊ុយក្រែន រាប់ពាន់កំពុងប្រមូលផ្តុំគ្នា ត្រៀមឡើងរថភ្លើងជម្លៀសចេញ ស្រាប់តែត្រូវរុស្ស៊ីបាញ់មីស៊ីលចំ ២គ្រាប់