ព័ត៌មានអន្ដរជាតិ

អាមេរិកនឹងបង្ហាត់ប្រើកាំភ្លើងធំដល់អ៊ុយក្រែនប៉ុន្មានថ្ងៃខាងមុខ

បានផុស

៤ years មុន

នៅ

ថ្ងៃអង្គារ ១៩ មេសា ២០២២

ដោយ

យោធាសហរដ្ឋអាមេរិកនឹងចាប់ផ្តើមបង្វឹកបង្ហាត់យោធាអ៊ុយក្រែនពីរបៀបប្រើប្រាស់កាំភ្លើងធំក្នុងពេលប៉ុន្មានថ្ងៃខាងមុខ។ នេះបើយោងតាមមន្ត្រីជាន់ខ្ពស់ម្នាក់របស់ក្រសួងការពារជាតិអាមេរិកបាននិយាយនៅថ្ងៃចន្ទ ទី១៨ ខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីសប្តាហ៍មុន ប្រធានាធិបតីអាមេរិក លោក ចូ បៃដិន បានប្រកាសពីជំនួយយោធាបន្ថែមទៀតដែលមានតម្លៃ៨០០លានដុល្លារអាមេរិកដល់អ៊ុយក្រែន ដែលកាន់តែពង្រីកជំនួយផ្នែកយោធារាប់បញ្ចូលទាំងកាំភ្លើងធំមុនពេលការវាយប្រហាររបស់រុស្ស៊ីកាន់តែខ្លាំងតាមការរំពឹងទុកនៅភាគខាងកើតអ៊ុយក្រែន។

រហូតដល់ពេលនេះ មានការហោះហើរ៤ដងហើយដើម្បីបញ្ជូនអាវុធទៅអ៊ុយក្រែនដែលជាផ្នែកមួយនៃកញ្ចប់ថ្មីរបស់សហរដ្ឋអាមេរិក។ ក្នុងចំណោមអាវុធដែលត្រូវបានប្រកាសដោយរដ្ឋបាល ចូ បៃដិន កាលពីសប្តាហ៍មុនមានកាំជ្រួចប្រឆាំងរថក្រោះ Javelin ចំនួន ៥០០ គ្រាប់ កាំជ្រួចប្រឆាំងអាកាស Stinger ៥០០ ទៀត រ៉ាដាប្រឆាំងកាំភ្លើងធំ ១០ គ្រឿង រ៉ាដាឃ្លាំមើលអាកាសពីរ រថពាសដែក M113 ២០០ រថពាសដែក Humvee ១០០ គ្រឿង រួមជាមួយនឹងគ្រាប់រំសេវប្រមាណ៤០.០០០គ្រាប់ទៀត។

មន្ត្រីនៅក្រសួងការពារជាតិអាមេរិកម្នាក់ដែលនិយាយមិនបញ្ចេញឈ្មោះថា ការហ្វឹកហ្វឺននៃការប្រើប្រាស់កាំភ្លើងធំនឹងធ្វើនៅខាងក្រៅប្រទេសអ៊ុយក្រែន។

សហរដ្ឋអាមេរិកគ្រោងបង្ហាត់បង្រៀនអ្នកហ្វឹកហ្វឺនអ៊ុយក្រែនពីរបៀបប្រើប្រាស់អាវុធធុនធំថ្មីៗទាំងនោះដូចជា កាំភ្លើងធំ (howitzers) និងរ៉ាដា ជាដើម ហើយបន្ទាប់មក អ្នកហ្វឹកហ្វឺនអ៊ុយក្រែនបន្តបង្ហាត់ដល់ទាហ៊ានរបស់ពួកគេនៅក្នុងប្រទេសអ៊ុយក្រែន។

អាមេរិកធ្លាប់បានបង្ហាត់បង្រៀនកងកម្លាំងអ៊ុយក្រែនពីការប្រើប្រាស់យន្តហោះគ្មានមនុស្សជិះ (ដ្រូន)។

អ៊ុយក្រែនបាននិយាយថា ការវាយប្រហារដោយមីស៊ីលរបស់រុស្ស៊ីបានសម្លាប់មនុស្ស៧នាក់នៅទីក្រុង Lviv កាលពីថ្ងៃចន្ទម្សិលមិញ ដែលជាការស្លាប់ជនស៊ីវិលលើកដំបូងទីក្រុងភាគខាងលិចប្រទេស ហើយមេបញ្ជាការកងកម្លាំងអ៊ុយក្រែនឈរជើងភាគខាងត្បូងទីក្រុងរងទុក្ខខ្លាំង Mariupol បានអំពាវនាវដល់សម្តេចប៉ាបឲ្យជួយ៕

ប្រែសម្រួល៖ វីរបុត្រ
ប្រភព៖ RT

Related Topics: