ព័ត៌មានអន្ដរជាតិ
អឺរ៉ុបគ្រោងដាក់ទណ្ឌកម្មប្រេងរុស្ស៊ី ប៊ុលហ្គារីថា នឹងវេតូ បើគ្មានការលើកលែង
ប្រទេសប៊ុលហ្គារីនឹងមិនគាំទ្រទណ្ឌកម្មថ្មីរបស់សហភាពអឺរ៉ុបប្រឆាំងលើប្រេងរុស្ស៊ីឡើយ ប្រសិនបើខ្លួនមិនទទួលបានការលើកលែងសម្រាប់ការទិញប្រេងរុស្ស៊ី។ ឧបនាយករដ្ឋមន្ត្រីប៊ុលហ្គារី លោក Assen Vassilev បាននិយាយកាលពីយប់ថ្ងៃអាទិត្យ ទី៨ ខែឧសភា។
កាលពីថ្ងៃអាទិត្យ មេដឹកនាំរបស់សហភាពអឺរ៉ុបកាន់តែខិតជិតឯកភាពគ្នាលើទណ្ឌកម្មដ៏តឹងតែងប្រឆាំងលើរុស្ស៊ីជុំវិញការវាយប្រហារលើអ៊ុយក្រែន ប៉ុន្តែគ្រោងពិភាក្សាបន្ថែមទៀតនាថ្ងៃចន្ទនេះដើម្បីដោះស្រាយចំពោះប្រទេសដែលពឹងផ្អែកខ្លាំងលើថាមពលពីរុស្ស៊ី។
លោក Vassilev បានប្រាប់ទូរទស្សន៍ជាតិ BNT ថា ៖«កិច្ចពិភាក្សានឹងបន្តថ្ងៃស្អែក បន្តទៅថ្ងៃអង្គារ៍ដែរ។ ការប្រជុំនៃមេដឹកនាំប្រហែលជាត្រូវការរាប់បញ្ចូលពួកគេ។ គោលជំហររបស់ពួកយើងច្បាស់លាស់ណាស់។ ប្រសិនបើមានការលើកលែងសម្រាប់ប្រទេសមួយចំនួន យើងខ្ញុំក៏ចង់ទទួលបានការលើកលែងដែរ»។
«ប្រសិនបើមិនទទួលបានការលើកលែងទេ យើងនឹងមិនគាំទ្រចំពោះទណ្ឌកម្មទេ។ ប៉ុន្តែខ្ញុំមិនរំពឹងទទួលបានទេ បើផ្អែកតាមកិច្ចពិភាក្សានៅពេលនេះ»។ លោកបានបន្ថែម។
ប្រទេស ហុងគ្រី ស្លូវ៉ាគី និងសាធារណៈរដ្ឋឆែកដែលពឹងផ្អែកខ្លាំងលើប្រេងឆៅពីរុស្ស៊ីប្រឈមនឹងប្រភពធនធានថាមពលជំនួស និងបានស្នើសុំការលើកលែងពីទណ្ឌកម្មរបស់សហភាពអឺរ៉ុប។ ប៊ុលហ្គារីក៏បានស្នើសុំការលើកលែងដែរ។
តាមប្រភពពីអឺរ៉ុបថា គណៈកម្មការអឺរ៉ុបកាលពីថ្ងៃសុក្របានស្នើការផ្លាស់ប្តូរចំពោះគម្រោងទណ្ឌកម្មលើប្រេងរុស្ស៊ីដើម្បីផ្តល់ឲ្យប្រទេសចំនួន៣មានពេលវេលាបន្ថែមទៀតក្នុងការផ្លាស់ប្តូរថាមពលរបស់ពួកគេ ខណៈប្រទេសប៊ុលហ្គារីមិនត្រូវបានផ្តល់សម្បទានឡើយ។
លោកឧបនាយករដ្ឋមន្ត្រី Vassilev បាននិយាយថា ប៊ុលហ្គារីក៏ត្រូវការការលើកលែងដែរ ដោយសាររោងចក្រចម្រាញ់ប្រេងតែមួយគត់របស់ខ្លួននៅកំពង់ផែ Burgas ត្រូវការពេលវេលាដើម្បីបង្កើនឧបករណ៍ចាំបាច់មុនពេលផ្តាច់ប្រេងឆៅរុស្ស៊ី។
រោងចក្រចម្រាញ់ប្រេង Neftochim Burgas ដែលមានម្ចាស់ជាក្រុមហ៊ុន LUKOIL របស់ប្រទេសរុស្ស៊ី គឺជាអ្នកផ្គត់ផ្គង់ឥន្ធនៈសំខាន់ជាងគេនៅប៊ុលហ្គារី ដែលក្រីក្រជាងគេនៅប្លុកសហភាពអឺរ៉ុបទាំង២៧ប្រទេស។ ពាក់កណ្តាលនៃដំណើរការប្រេងរបស់ខ្លួនគឺនាំចូលពីរុស្ស៊ី។
លោកបន្ថែមថា កង្វះនៃការលើកលែងនឹងបង្កហានិភ័យធ្ងន់ធ្ងរដល់បរិស្ថាននៅតំបន់កំពង់ផែ Burgas ឬបង្ខំឲ្យរោងចក្រចម្រាញ់ប្រេងកាត់បន្ថយការកែច្នៃដែលអាចបង្កើតឱនភាព និងបង្កើនតម្លៃខ្ពស់ថែមទៀត៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល