កីឡា

អ្នកចាំទី៤០ឆ្នាំ Vozinha កំពុងល្បីពីការជួយសង្គ្រោះពីការស៊ុតរបស់ អេស្ប៉ាញ

បានផុស

១០ នាទី មុន

នៅ

ថ្ងៃអង្គារ ១៦ មិថុនា ២០២៦

ដោយ

ការប្រកួតរវាង ជម្រើសជាតិ អេស្ប៉ាញ និង កាប់វែរ បានបញ្ចប់ដោយលទ្ធផលស្មើគ្នា ០-០ សម្រាប់ការប្រកួតវគ្គសន្សំពិន្ទុក្នុងពូល ពានរង្វាន់បាល់ទាត់ពិភពលោក FIFA World Cup ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនេះ អេស្ប៉ាញ បានគ្រប់គ្រងការប្រកួតស្ទើរទាំងស្រុង និងមានឱកាសស៊ុតជាច្រើន ប៉ុន្តែមិនអាចទម្លាយសំណាញ់ទីរបស់ កាប់វែរ បានឡើយ។ កាប់វែរ បានចុះការពារដ៏មានប្រសិទ្ធភាព ស្របពេលជាមួយគ្នានេះអ្នកចាំទី Josimar Diaz Vozinha ជួយសង្គ្រោះបាល់ជាច្រើនលើក។

បើតាមស្ថិតិ អេស្ប៉ាញ បានព្យាយាមស៊ុតចំនួន ២៧ លើក ក្នុងនោះមានការស៊ុតខុសគោលដៅ និងមិនធ្លាយរបាំងការពាររបស់ កាប់វែរ។ ចំណែកអ្នកចាំទី Vozinha បានជួយការស៊ុតចំគោលរបស់ អេស្ប៉ាញ ប្រមាណ ៧ លើក។ ជាពិសេស លោកបានជួយសង្គ្រោះពីការស៊ុតដ៏គ្រោះថ្នាក់របស់កីឡាករ Ferran Torres, ការតែតរបស់កីឡាករ Mike Oyarzabal, ការតែតរបស់កីឡាករ Aymeric Laporte។ លោកបានក្លាយជាកីឡាករល្អបំផុតប្រចាំការប្រកួត។

លោក Vozinha សង្គ្រោះបាល់របស់ Mikel Oyarzabal

អ្នកចាំទី Vozinha បានក្លាយជាអ្នកចាំទីវ័យចំណាស់ជាងគេបំផុតលំដាប់ទី២ សម្រាប់ការបង្ហាញខ្លួនលើកដំបូង នៅក្នុងព្រឹត្តិការណ៍បាល់ទាត់ពិភពលោក បន្ទាប់ពីអ្នកចាំទី Essam El-Hadary របស់ អេហ្ស៊ិប។

បន្ទាប់ពីការបង្ហាញសមត្ថភាពដ៏អស្ចារ្យកាលពីយប់មិញ Vozinha ត្រូវបានគេចាប់អារម្មណ៍យ៉ាងខ្លាំងទូទាំងពិភពលោក។ បើក្រឡេកមើលនៅបណ្តាញទំនាក់ទំនងសង្គមរបស់លោកមុនការប្រកួតគឺមានអ្នកតាមប្រមាណតែ ៥ ម៉ឺននាក់ប៉ុណ្ណោះ ប៉ុន្តែក្រោយចប់ការប្រកួតតែប៉ុន្មានម៉ោង អ្នកតាមដាន បានកើតឡើងដល់ជាង ៤ លាននាក់។