ព័ត៌មានអន្ដរជាតិ

ធនាគារពិភពលោកនឹងផ្តល់៣០ប៊ីលានដុល្លារ ខណៈសង្គ្រាមនៅអ៊ុយក្រែនគំរាមសន្តិសុខស្បៀង

បានផុស

៤ years មុន

នៅ

ថ្ងៃព្រហស្បតិ៍ ១៩ ឧសភា ២០២២

ដោយ

កាលពីថ្ងៃពុធ ធនាគារពិភពលោកបាននិយាយថា ខ្លួននឹងផ្តល់ប្រាក់៣០ប៊ីលានដុល្លារអាមេរិកដើម្បីជួយទប់ស្កាត់វិបត្តិសន្តិសុខស្បៀងអាហារដែលគំរាមកំហែងដោយសង្គ្រាមរបស់រុស្ស៊ី នៅប្រទេសអ៊ុយក្រែន ដែលបានកាត់បន្ថយការនាំចេញគ្រាប់ធញ្ញជាតិពីប្រទេសទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធនាគារបាននិយាយថា ទឹកប្រាក់សរុបរាប់បញ្ចូលទាំង១២ប៊ីលានដុល្លារក្នុងគម្រោងថ្មី និងមូលនិធិជាង១៨ប៊ីលានដុល្លារពីគម្រោងស្បៀងអាហារ និងអាហារូបត្ថម្ភដែលមានស្រាប់ដែលត្រូវបានអនុម័ត ប៉ុន្តែមិនទាន់ត្រូវបានបញ្ចេញ។

ប្រធានក្រុមធនាគារពិភពលោក (World Bank Group) លោក David Malpass បាននិយាយក្នុងសេចក្តីថ្លែងការណ៍ថា ៖«ការឡើងថ្លៃម្ហូបអាហារកំពុងមានផលប៉ះពាល់លើអ្នកក្រីក្រ និងអ្នកងាយរងគ្រោះ។ ដើម្បីជូនដំណឹង និងរក្សាស្ថេរភាពទីផ្សារក្នុងការឆ្លើយទៅនឹងការវាយប្រហាររបស់រុស្ស៊ីលើអ៊ុយក្រែន»។

ធនាគារពិភពលោកនិយាយថា គម្រោងថ្មីត្រូវបានរំពឹងផ្តោតលើវិស័យកសិកម្ម ការការពារសង្គមដើម្បីទប់ស្កាត់ផលប៉ះពាល់នៃតម្លៃអាហារឡើងខ្ពស់ចំពោះអ្នកក្រីក្រ ហើយគម្រោងទឹក និងប្រព័ន្ធធារាសាស្ត្រ។ ធនធានភាគច្រើនទៅអាហ្វ្រិក និងមជ្ឈិមបូព៌ា អឺរ៉ុបខាងកើត និងអាស៊ីកណ្តាល និងអាស៊ីខាងត្បូង។

តំបន់ទាំងនេះស្ថិតនៅក្នុងចំណោមតំបន់រងគ្រោះបំផុតពីសង្គ្រាមនៅអ៊ុយក្រែនលើការផ្គត់ផ្គង់គ្រាប់ធញ្ញជាតិ។ បណ្តាប្រទេសដូចជា អេហ្ស៊ីបជាដើមពឹងផ្អែកខ្លាំងលើស្រូវសាលីអ៊ុយក្រែន និងរុស្ស៊ី ប៉ុន្តែរុស្ស៊ីបានបិទការនាំចេញកសិកម្មរបស់អ៊ុយក្រែនពីកំពង់ផែសមុទ្រខ្មៅ និងបានដាក់កម្រិតការនាំចេញក្នុងស្រុក។

ផែនការរបស់ធនាគារពិភពលោកគឺជាធាតុផ្សំដ៏ធំបំផុតនៃរបាយការណ៍របស់ក្រសួងរតនាគារអាមេរិកដែលសង្ខេបផែនការសកម្មភាពសន្តិសុខស្បៀងពីគ្រឹះស្ថានហិរញ្ញវត្ថុអន្តរជាតិដែលបានចេញកាលពីថ្ងៃពុធ៕

ប្រែសម្រួល៖ វីរបុត្រ
ប្រភព៖ Reuters

Related Topics: