ព័ត៌មានអន្ដរជាតិ
រុស្ស៊ីបញ្ចេញព័ត៌មាន Update ចុងក្រោយបំផុត ស្តីពីប្រត្តិបត្តិការយោធានៅ អ៊ុយក្រែន
ប្រទេសរុស្ស៊ី បានចាប់ផ្តើមប្រតិបត្តិការយោធានៅក្នុងប្រទេសអ៊ុយក្រែនកាលពីខែកុម្ភៈ បន្ទាប់ពីទីក្រុង Donetsk និង Lugansk ត្រូវបានបាញ់ផ្លោងដោយកងទ័ពរបស់ទីក្រុង កៀវ ដែលជាហេតុជំរុញឲ្យមានការជម្លៀសជនស៊ីវិលយ៉ាងច្រើន។
លោកប្រធានាធិបតី ពូទីន បានកត់សម្គាល់ថា ទីក្រុងមូស្គូ ចង់បញ្ឈប់អំពើប្រល័យពូជសាសន៍ដែលប្រព្រឹត្តដោយទីក្រុងកៀវ ក្នុងទីក្រុង Donbass ខណៈតំបន់នេះត្រូវបានអ៊ុយក្រែន កំណត់គោលដៅដោយយុទ្ធនាការយោធារយៈពេលប្រាំបីឆ្នាំ។
នៅក្នុងព័ត៌មាន Update ចុងក្រោយបំផុតស្តីពីវិបត្តិនៅអ៊ុយក្រែន ក្រសួងការពារជាតិរុស្ស៊ី បាននិយាយក្នុងសេចក្តីថ្លែងការណ៍មួយថា៖
▪️ កងកម្លាំងអាកាសរុស្ស៊ី បានបាញ់មីស៊ីលរយៈចម្ងាយឆ្ងាយ បំផ្លាញអគារឧស្សាហកម្មនៅរោងចក្រមួយនា ជាយក្រុង Lozovaya ក្នុងតំបន់ Kharkov ជាកន្លែងដែលរថពាសដែករបស់កងកម្លាំងប្រដាប់អាវុធអ៊ុយក្រែន កំពុងត្រូវបានផលិត និងជួសជុលឡើងវិញ។
▪️ កងកម្លាំងប្រដាប់អាវុធរុស្ស៊ី បានបាញ់មីស៊ីល កម្ទេចទីបញ្ជាការរបស់កងកម្លាំងប្រដាប់អាវុធអ៊ុយក្រែន ចំនួន៤កន្លែង ក៏ដូចជាតំបន់ចំនួន ១៥ របស់កងទ័ពអ៊ុយក្រែន និងទីតាំងប្រមូលផ្តុំសម្ភារយោធាផងដែរ។
▪️ ប្រតិបត្តិការយុទ្ធសាស្ត្រ និងអាកាសចរណ៍កងទ័ព បានវាយប្រហារទីតាំងប្រមូលផ្តុំកម្លាំងមនុស្ស និងឧបករណ៍យោធារបស់កងកម្លាំងប្រដាប់អាវុធអ៊ុយក្រែនចំនួន ៧៣ កន្លែង។
▪️ អង្គភាពការពារដែនអាកាសរុស្ស៊ី បានបាញ់ទម្លាក់យន្តហោះធុន Su-29 មួយគ្រឿងរបស់កងទ័ពអាកាសអ៊ុយក្រែន នៅជិតតំបន់ Slavyansk។
▪️ កងកម្លាំងមីស៊ីល និងកាំភ្លើងធំ បានវាយប្រហារទីតាំងប្រមូលផ្តុំកងទ័ព និងឧបករណ៍យោធាចំនួន៤៣១កន្លែង និងទីតាំងបាញ់ចំនួន៣៤កន្លែង របស់អង្គភាពកាំភ្លើងធំ និងកាំភ្លើងត្បាល់។
▪️ តាំងពីការចាប់ផ្តើមប្រតិបត្តិការមក រុស្ស៊ីបានកម្ទេចយន្តហោះអ៊ុយក្រែនចំនួន១៩០គ្រឿង និងឧទ្ធម្ភាគចក្រ១២៩គ្រឿង, យន្តហោះគ្មានមនុស្សបើក ១១២៧គ្រឿង, ប្រព័ន្ធមីស៊ីលប្រឆាំងយន្តហោះ៣៣០គ្រឿង, រថក្រោះ និងរថពាសដែកប្រយុទ្ធផ្សេងទៀត ៣៤២៤គ្រឿង, ប្រព័ន្ធរ៉ុកកែតពហុមុខងារ ៤៧៣គ្រឿង, កាំភ្លើងធំ និងកាំភ្លើងត្បាល់ ១៧៩៥គ្រឿង និងយានជំនិះយោធាពិសេស ៤គ្រឿង៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អត់ខ្វល់ ពូទីន ព្រមាន, អង់គ្លេស ប្រកាសបញ្ជូនមីស៊ីលរយៈចម្ងាយឆ្ងាយលើកដំបូង ទៅឲ្យ អ៊ុយក្រែន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង