Connect with us

ព័ត៌មានអន្ដរជាតិ

WHO ប្រាប់កុំទាន់ភ័យជំងឺកូវីដក្លាយប្រភេទថ្មី

បានផុស

នៅ

អង្គការសុខភាពពិភពលោក (WHO) បានព្រមានប្រឆាំងនឹងការភ័យខ្លាចដ៏ធំមួយចំពោះការផ្ទុះជំងឺកូវីដក្លាយពូជប្រភេទថ្មីដែលឆ្លងខ្លាំងនៅប្រទេសអង់គ្លេសដោយនិយាយថា នេះគឺជាផ្នែកធម្មតានៃការវិវត្តនៃជំងឺរាតត្បាតកូវីដ ១៩ ។

មន្ត្រីអង្គ WHO ថែមទាំងដាក់ពន្លឺវិជ្ជមានទៅលើការរកឃើញការក្លាយពូជថ្មីនៃជំងឺកូវីដដែលជំរុញឲ្យបណ្តាប្រទេសមួយចំនួនដាក់ការរឹតត្បិតការធ្វើដំណើរលើចក្រភពអង់គ្លេស និងអាហ្វ្រិកខាងត្បូងដោយនិយាយថា ឧបករណ៍ថ្មីដើម្បីតាមដានវីរុសកំពុងដំណើរការ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mike Ryan ប្រធានផ្នែកសង្គ្រោះបន្ទាន់របស់ WHO បានប្រាប់សន្និសីទសារព័ត៌មានតាមអ៊ីនធឺណិតថា “យើងត្រូវតែរកតុល្យភាព ។ វាមានសារៈសំខាន់ណាស់ដើម្បីធ្វើឲ្យមានតម្លាភាព វាចាំបាច់ណាស់ក្នុងការប្រាប់ដល់សាធារណៈជននូវវិធីនេះ ប៉ុន្តែវាក៏សំខាន់ផងដែរក្នុងការនិយាយថានេះគឺជាផ្នែកធម្មតានៃការវិវត្តនៃវីរុស” ។

លោកបាននិយាយថា “ការដែលអាចតាមដានវីរុសប្រភេទនេះយ៉ាងដិតដល់ ប្រុងប្រយ័ត្ន តាមបែបវិទ្យាសាស្រ្តនៅក្នុងពេលវេលាពិតគឺជាការវិវត្តវិជ្ជមានមួយសម្រាប់សុខភាពសាធារណៈទូទាំងពិភពលោក ហើយបណ្តាប្រទេសដែលធ្វើការតាមដានប្រភេទនេះគួរតែត្រូវបានកោតសរសើរ” ។

ដោយដកស្រង់ទិន្នន័យពីប្រទេសអង់គ្លេស មន្ត្រី WHO បាននិយាយថា វីរុសថ្មីនេះគឺអាចឆ្លងខ្លាំងជាងជំងឺកូវីដ ១៩ ទៅទៀត ប៉ុន្តែមិនទាន់មានភស្តុតាងណាមួយដែលបង្ហាញថា វាអាចសម្លាប់មនុស្សខ្លាំងជាងកូវីដនៅឡើយទេ ។

លោក Ryan បាននិយាយថា ស្របពេលប្រទេសកាន់តែច្រើនបានដាក់ការរឹតបន្តឹងលើការធ្វើដំណើរជាមួយចក្រភពអង់គ្លេសនោះ  WHO ក៏កំពុងគិតគូរអំពីហានិភ័យនេះផងដែរ ។

ទន្ទឹមនោះ WHO និយាយថា វ៉ាក់សាំងដែលត្រូវបានបង្កើតឡើងដើម្បីប្រយុទ្ធប្រឆាំងនឹងជំងឺកូវីដ ១៩ គួរតែគ្រប់គ្រងការក្លាយពូជថ្មីនៃជំងឺកូវីដនេះផងដែរ ទោះបីជាការត្រួតពិនិត្យកំពុងដំណើរការពីករណីនេះក៏ដោយ ។

បន្ថែមពីនេះ WHO ក៏បាននិយាយផងដែរថា ខ្លួនរំពឹងថានឹងទទួលបានព័ត៌មានលម្អិតបន្ថែមទៀតក្នុងរយៈពេលប៉ុន្មានថ្ងៃ ឬប៉ុន្មានសប្តាហ៍ខាងមុខទៅលើផលប៉ះពាល់ដែលអាចកើតមាននៃជំងឺកូវីដក្លាយប្រភេទថ្មីនេះ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ លោក បៃដិន ចាក់វ៉ាក់សាំងកូវីដផ្សាយតាមទូរទស្សន៍បង្ហាញទំនុកចិត្ត (មានវីដេអូ)

ចុចអាន ៖ រំភើប! វ៉ាក់សាំងកូវីដរបស់ក្រុមហ៊ុន Pfizer-BioNTech មកដល់ប្រទេសសិង្ហបុរី ហើយ (មានវីដេអូ)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម