Connect with us

ព័ត៌មានអន្ដរជាតិ

កិច្ចប្រជុំកំពូល G7 ចាប់ផ្តើម ខណៈពិភពលោកកំពុងជួបបញ្ហាយ៉ាងច្រើន

បានផុស

នៅ

នៅថ្ងៃអាទិត្យទី២៦ ខែមិថុនានេះ អធិការបតីអាល្លឺម៉ង់ លោក Olaf Scholz បានស្វាគមន៍មេដឹកនាំនៃក្រុមប្រទេសប្រជាធិបតេយ្យមានទ្រពសម្បត្តិទាំងប្រាំពីរ មកកាន់កិច្ចប្រជុំកំពូលរយៈពេលបីថ្ងៃនៅតំបន់ភ្នំ Bavarian ខណៈជំនួបកំពូលនេះ ត្រូវគ្របដណ្ដប់ដោយសង្រ្គាមនៅក្នុងប្រទេសអ៊ុយក្រែន និងផលវិបាកដ៏ធំធេង រាប់ចាប់ពីកង្វះថាមពលរហូតដល់វិបត្តិស្បៀងអាហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឡើងថ្លៃថាមពល និងតម្លៃអាហារពិភពលោក កំពុងជះឥទ្ធិពលដល់កំណើនសេដ្ឋកិច្ច បន្ទាប់ពីរុស្ស៊ីលុកលុយអ៊ុយក្រែន។

កាលពីថ្ងៃសុក្រ អង្គការសហប្រជាជាតិ បានព្រមានអំពីវិបត្តិអត់ឃ្លានជាសកលដែលមិនធ្លាប់មានពីមុនមករួមមាន បម្រែបម្រួលអាកាសធាតុ ឥទ្ធិពលរបស់ប្រទេសចិនកាន់តែខ្លាំងឡើង និងការកើនឡើងនៃរបបផ្តាច់ការក៏ត្រូវបានកំណត់នៅក្នុងរបៀបវារៈផងដែរ។

គេរំពឹងថា មេដឹកនាំ G7 នឹងព្យាយាមបង្ហាញពីការរួបរួមលើការគាំទ្រប្រទេសអ៊ុយក្រែនឲ្យបានយូរតាមដែលចាំបាច់ និងបង្កើនសម្ពាធលើវិមានក្រឹមឡាំង ថ្វីបើពួកគេនឹងចង់ចៀសវាងការដាក់ទណ្ឌកម្មដែលអាចបង្កឲ្យមានអតិផរណា និងធ្វើឲ្យកាន់តែធ្ងន់ធ្ងរដល់វិបត្តិតម្លៃនៃការរស់នៅ ដែលប៉ះពាល់ដល់ប្រជាជនរបស់ពួកគេផ្ទាល់ក៏ដោយ។

មន្ត្រីសហភាពអឺរ៉ុបម្នាក់បាននិយាយថា សារសំខាន់ពី G7 នឹងជាការរួបរួម និងការសម្របសម្រួលនៃសកម្មភាព។

ស្របពេលជាមួយគ្នានោះ ប្រភពដែលដឹងអំពីបញ្ហានេះបានប្រាប់រ៉យទ័រថា ដៃគូ G7 គ្រោងនឹងយល់ព្រម ហាមឃាត់ការនាំចូលមាសពីប្រទេសរុស្ស៊ី។ ក្រោយមក ប្រភពរដ្ឋាភិបាលអាល្លឺម៉ង់បាននិយាយថា មេដឹកនាំទាំងអស់មានការសន្ទនាគ្នាប្រកបដោយផ្លែផ្កា ពាក់ព័ន្ធតម្លៃលើការនាំចូលប្រេងពីរុស្ស៊ី។

បានគេរំពឹងដែរថា មេដឹកនាំ G7 នឹងពិភាក្សាអំពីជម្រើសសម្រាប់ការដោះស្រាយការកើនឡើងតម្លៃថាមពល និងជំនួសការនាំចូលប្រេង និងឧស្ម័នរបស់រុស្ស៊ី។

កិច្ចប្រជុំកំពូលនេះ ធ្វើឡើងនៅរមណីយដ្ឋាន Schloss Elmau នៅជើងភ្នំខ្ពស់បំផុតរបស់ប្រទេសអាល្លឺម៉ង់គឺ Zugspitze ដែលជាកន្លែងតែមួយ ពេលអាល្លឺម៉ង់ធ្វើជាម្ចាស់ផ្ទះនៃកិច្ចប្រជុំប្រចាំឆ្នាំ G7 លើកចុងក្រោយក្នុងឆ្នាំ ២០១៥៕

ប្រែសម្រួល៖ សន្យា

ប្រភព៖ CNA

ចុចអាន៖ រុស្ស៊ី ដណ្តើមបានទីក្រុង Severodonetsk ទាំងស្រុងពី អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម