កីឡា

កម្រិត World Cup មិនងាយស្រួលរកគ្រាប់បាល់ ៤គូយប់មិញស្មើទាំងអស់

បានផុស

២ ម៉ោង មុន

នៅ

ថ្ងៃអង្គារ ១៦ មិថុនា ២០២៦

ដោយ

ការប្រកួតវគ្គសន្សំពិន្ទុក្នុងពូលបាល់ទាត់ពិភពលោក World Cup ចំនួន ៤ គូកាលពីយប់មិញស្មើទាំងអស់ បើទោះបីជាមើលទៅក្រុមខ្លះទំនងជាអាចរកគ្រាប់បាល់បាន ប៉ុន្តែមិនអាចទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងការប្រកួតកាលពីម៉ោង ១១ យប់ ថ្ងៃទី១៥ ខែមិថុនា អ្នកគាំទ្រទូទាំងពិភពលោកបានគិតថា ក្រុមបាល់ទាត់ជម្រើសជាតិ អេស្ប៉ាញ ទំនងជាមិនលំបាកក្នុងការយកឈ្នះលើក្រុមជម្រើសជាតិ កាប់វែរ ទេ ប៉ុន្តែលទ្ធផលបានត្រឹមស្មើគ្នាដោយគ្មានគ្រាប់បាល់ ០-០ ដើម្បីចែកគ្នា ១ ពិន្ទុម្នាក់ប៉ុណ្ណោះ។

ឈានចូលដល់ម៉ោង ២ រំលងអាធ្រាត្រ ថ្ងៃទី១៦ ខែមិថុនា ក្រុមបាល់ទាត់ជម្រើសជាតិ បែលហ្ស៊ិក ត្រូវបានគេគិតថា នឹងរកបាន ៣ ពិន្ទុពីក្រុមជម្រើសជាតិ អេហ្ស៊ិប ប៉ុន្តែខុសពីការគិតដោយ ក្រុមទាំងពីរបានចែកគ្នា ១ ពិន្ទុម្នាក់ តាមរយៈលទ្ធផល ១-១។

ចំណែកការប្រកួតនៅម៉ោង ៥ ព្រឹកថ្ងៃពុធ ទី១៦ មិថុនានេះ ការប្រកួតរវាង ក្រុមជម្រើសជាតិ អារ៉ាប៊ីសាអ៊ូឌីត និង អ៊ុយរូហ្គាយ ក៏ចែកពិន្ទុគ្នាទៀត បន្ទាប់ពីស្មើគ្នាដោយលទ្ធផល ១-១។ នៅវេលាម៉ោង ៨ ព្រឹក ក្រុមជម្រើសជាតិ អ៊ីរ៉ង់ និង នូវែលហ្សេឡង់ បានបញ្ចប់ដោយលទ្ធផលស្មើគ្នា ២-២ ទៀត។

រហូតដល់ពេលនេះ ក្រុមពីតំបន់អាស៊ីចំនួន ៦ ក្រុមហើយដែលបានប្រកួតលើកទី ១ ដូចគ្នា និងមិនទាន់មានក្រុមណាចាញ់ឡើយ ពោលគឺសុទ្ធតែអាចរកបានពិន្ទុគឺ កូរ៉េខាងត្បូង រកបាន ៣ ពិន្ទុ អូស្ត្រាលី រកបាន ៣ ពិន្ទុ កាតា រកបាន ១ ពិន្ទុ ជប៉ុន រកបាន ១ ពិន្ទុ, អារ៉ាប៊ីសាអ៊ូឌីត រកបាន ១ ពិន្ទុ និង អ៊ីរ៉ង់ រកបាន ១ ពិន្ទុ។

កីឡាករអ៊ុយរូហ្គាល់ ពេលស៊ុតចូល អារ៉ាប៊ីសាអ៊ូឌីត

បើគិតចាប់តាំងពី World Cup ប្រកួតពីថ្ងៃទី១១ ខែមិថុនា ដល់ព្រឹកថ្ងៃទី១៦ ខែមិថុនានេះ ការប្រកួតបានចំនួន ១៦ ប្រកួត ក្នុងនោះបញ្ចប់ដោយឈ្នះចាញ់ ៨ ប្រកួត និងស្មើគ្នា ៨ ប្រកួត កើតមានគ្រាប់បាល់ ៤៦ គ្រាប់ និងអ្នកទស្សនាផ្ទាល់ចំនួនជាង ១ លាន នាក់៕