ព័ត៌មានអន្ដរជាតិ
ប្រមុខ MI5, FBI ព្រមានអំពីចារកម្មពាណិជ្ជកម្មរបស់ចិន
មេដឹកនាំ សេវាកម្មសន្តិសុខអង់គ្លេស (MI5) និងការិយាល័យស៊ើបអង្កេត (FBI) កាលពីថ្ងៃពុធ ទី៦ ខែកក្កដា ឆ្នាំ២០២២បានព្រមានអំពីចារកម្មពាណិជ្ជកម្មរបស់ប្រទេសចិននៅប្រទេសលោកខាងលិច នៅក្នុងសុន្ទរកថារួមគ្នាដ៏កម្រមួយនៅទីស្នាក់ការកណ្តាលរបស់សេវាកម្មស៊ើបការណ៍ចក្រភពអង់គ្លេសក្នុងទីក្រុងឡុងដ៍។
លោក Ken McCallum អគ្គនាយកសេវាកម្មសន្តិសុខចក្រភពអង់គ្លេស និងលោក Chris Wray នាយក FBI បានលើកឡើងថា ការគំរាមកំហែងពីចារកម្មចិនគឺខ្លាំងបំផុតនៅក្នុងប្រទេសទាំងពីរ និងចេះតែបន្តរីកធំ។
លោក McCallum បាននិយាយថា MI5 បានពង្រីកយ៉ាងកាន់តែធំនូវប្រតិបត្តិការរបស់ខ្លួនដែលផ្តោតលើប្រទេសចិន។ «ថ្ងៃនេះ យើងកំពុងដំណើរការស៊ើបការណ៍លើកទី៧គិតចាប់តាំងពីឆ្នាំ២០១៨មក។ យើងគ្រោងធ្វើឲ្យរីកចម្រើនកាន់តែធំ ហើយក៏បន្តប្រឹងប្រែងខ្លាំងប្រឆាំងនឹងការគំរាមកំហែងពីរុស្ស៊ី និងអ៉ីរ៉ង់»។
លោកបានបន្ថែមថា ចារកម្មស៊ើបការណ៍ចិនប្រើប្រាស់វិធីសាស្ត្រដ៏អត់ធ្មត់ និងយឹតសន្សឹមៗដើម្បីអភិវឌ្ឍធនធាន ព្រមទាំងទទួលបានការចូលព័ត៌មាន ហើយមានមនុស្សមួយចំនួនតូចប៉ុណ្ណោះក្នុងចំណោមពួកគេបានទទួលស្គាល់ខ្លួនឯងក្នុងកិច្ចការនេះ។
ប្រទេសទាំងពីរក៏បានព្រមានដែរថា ការលុកលុយរបស់ចិននៅកោះតៃវ៉ាន់ដែលរដ្ឋាភិបាលក្រុងប៉េកាំងអះអាងជាទឹកដីរបស់ខ្លួននឹងបង្កឲ្យមានការរំខានយ៉ាងធំដល់ឧស្សាហកម្ម និងពាណិជ្ជកម្មសកល។ ពួកគេបានជំរុំឲ្យផ្នែកពាណិជ្ជកម្មឲ្យមានការប្រុងប្រយ័ត្ន និងធ្វើសេចក្តីរាយការណ៍ពីការគំរាមកំហែងដែលអាចទៅរួច។
«គណបក្សកុម្មុយនិស្តចិនចាប់អារម្មណ៍លើប្រព័ន្ធប្រជាធិបតេយ្យ ព័ត៌មាន និងច្បាប់របស់ពួកយើង។ មិនអនុវត្តតាមទេ ប៉ុន្តែប្រើប្រាស់ដើម្បីបានផលប្រយោជន៍»។ លោក McCallum បានបញ្ជាក់៕
ប្រែសម្រួល៖ វីរបុត្រ
ប្រភព៖ AFP
-
ព័ត៌មានជាតិ១៦ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន