អ្នកជំនាញ ថា សន្តិសុខផ្ទាល់ខ្លួន សម្រាប់លោក Abe គឺមិនគ្រប់គ្រាន់ទេ

អ្នកជំនាញផ្នែកសន្តិសុខនិយាយថា សន្តិសុខផ្ទាល់ខ្លួន សម្រាប់អតីតនាយករដ្ឋមន្ត្រីជប៉ុន លោក Abe Shinzo គឺមិនគ្រប់គ្រាន់ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញឈ្មោះ Ito Koichi គឺជាអតីតមន្ត្រីប៉ូលិសម្នាក់ ដែលធ្លាប់ជាសមាជិកនៃអង្គភាពពិសេសរបស់ប៉ូលិសក្រុងតូក្យូ និងមានជំនាញផ្នែកសន្តិសុខយ៉ាងច្បាស់សម្រាប់ឥស្សរជនជាន់ខ្ពស់។

លោកបានធ្វើការអត្ថាធិប្បាយបែបនេះ បន្ទាប់ពីការវិភាគវីដេអូ បង្ហាញពីអ្នកវាយប្រហារដើរជុំវិញជាមួយកាបូប ហើយដើរត្រង់សំដៅទៅលោក Abe។

លោក Ito និយាយថា នៅពេលដែលសង្កេតឃើញនូវអាកប្បកិរិយាគួរឲ្យសង្ស័យបែបនេះ គេត្រូវតែឲ្យបុគ្គលរូបនោះនៅឲ្យឆ្ងាយ សូម្បីតែមុនពេលសាកសួរ និងត្រួតពិនិត្យរបស់របរប្រើប្រាស់ក៏ដោយ។

លោក​ក៏​បាន​ចង្អុល​បង្ហាញ​ដែរថា មន្ត្រី​ប៉ូលិស មិនបានសហការគ្នា ​ប្រកប​ដោយ​ប្រសិទ្ធភាព​ដើម្បី​ធ្វើ​ការ​ឆ្លើយ​តប​សមស្រប នោះទេ។

គួរបញ្ជាក់ថា លោក Abe ត្រូវ​បាន​គេ​បាញ់​សម្លាប់​កាល​ពី​ថ្ងៃ​សុក្រទី០៨ខែកក្កដា ខណៈ​​ថ្លែង​សុន្ទរកថា​នៅ​តាម​ផ្លូវ​ក្នុង​ទីក្រុង Nara ​ប្រទេសជប៉ុន៕

ប្រែសម្រួល៖ Vann Vann

ប្រភព៖ NHK

ចុចអាន៖ ប្រវត្តិនយោបាយ និងជីវិតឯកជនរបស់អតីតនាយករដ្ឋមន្ត្រីជប៉ុន Shinzo Abe