ព័ត៌មានអន្ដរជាតិ
ជនដៃដល់ខឹងទាំងម្ដាយខ្លួនឯងផង ទើបឈានដល់ការបាញ់លោក Abe
ប្រភពស៊ើបអង្កេតជប៉ុនបាននិយាយថា ជនដៃដល់ក្នុងឃាតកម្មលើអតីតនាយករដ្ឋមន្ត្រីលោក Abe Shinzo បានប្រាប់ប៉ូលិសថា ម្តាយរបស់រូបគេបានលក់ដីធ្លីដោយគ្មានការយល់ព្រមពីក្រុមគ្រួសារ ហើយបានបរិច្ចាគប្រាក់ដែលលក់បានដល់ក្រុមសាសនាដែលខ្លួនចងកំហឹង ។
ជនដៃដល់ឈ្មោះ Yamagami Tetsuya បានសារភាពប្រាប់ប៉ូលិសទៀតថា ដោយសារតែចិត្តអន្ទះសារចង់ចូលរួមជាមួយក្រុមសាសនាដែលមានឈ្មោះថា “សហព័ន្ធគ្រួសារដើម្បីសន្តិភាព និងបង្រួបបង្រួមពិភពលោក”, ម្ដាយរូបគេបានបរិច្ចាគប្រាក់យ៉ាងច្រើនដល់ក្រុមសាសនាដែលបំផ្លាញក្រុមគ្រួសាររបស់រូបគេមួយនេះ ។
ប្រភពបាននិយាយថា ម្តាយរបស់ Yamagami បានចូលរួមក្នុងក្រុមនេះប្រហែលនៅឆ្នាំ ១៩៩៨ ខណៈលិខិតចុះបញ្ជីដីធ្លីបង្ហាញថា ម្ដាយរបស់ជនដៃដល់បានទទួលមរតកអចលនទ្រព្យចំនួន ២ នៅទីក្រុង Nara ពីឪពុករបស់លោកស្រីក្នុងខែតុលាឆ្នាំនោះ ហើយបានលក់មរតកទាំងនោះនៅខែមិថុនាឆ្នាំបន្ទាប់ ហើយក្រោយមកម្ដាយរបស់ Yamagami ក៏បានប្រកាសក្ស័យធន ។
ដោយឡែកក្រុមសាសនាបាននិយាយនៅក្នុងសន្និសីទសារព័ត៌មានមួយកាលពីថ្ងៃពុធថា ក្រុមសាសនារបស់យើងមិនបានស្នើសុំគ្រួសាររបស់ Yamagami ឲ្យបរិច្ចាគទឹកប្រាក់ក្នុងទំហំណាមួយនោះទេ បន្ទាប់ពីម្តាយរបស់រូបគេបានក្ស័យធន ប៉ុន្តែក្រុមសាសនារបស់យើងមានគោលការណ៍ឲ្យមនុស្សធ្វើការបរិច្ចាគដោយខ្លួនឯងទៅតាមឆន្ទៈ និងតាមការសម្រេចចិត្តរបស់ពួកគេ ។
គួររំឭកថា លោក Abe ត្រូវបានខ្មាន់កាំភ្លើងវាយប្រហារកាលពីព្រឹកថ្ងៃសុក្រក្នុងទីក្រុង Nara ភាគខាងលិចប្រទេសជប៉ុន ក្នុងអំឡុងពេលថ្លែងសុន្ទរកថាយុទ្ធនាការឃោសនាបោះឆ្នោតនៅតាមដងផ្លូវ ខណៈភ្លាមៗនោះប៉ូលិសក៏បានចាប់ខ្លួនជនដៃដល់ឈ្មោះ Yamagami អាយុ ៤១ ឆ្នាំ ក្រោយដើរចូលទៅជិតអ្នកនយោបាយរូបនេះពីខាងក្រោយ ហើយបានបាញ់ចំនួន ២ គ្រាប់ចំទ្រូងក្នុងចម្ងាយជាច្រើនម៉ែត្រ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ចម្លើយសារភាពថ្មី ៖ ជនដៃដល់គុំតាំងពីជំនាន់ជីតាលោក Abe មកម្ល៉េះ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ