ព័ត៌មានអន្ដរជាតិ

ឆេះក្លឹបរាត្រីនៅ ថៃ ស្លាប់មនុស្ស ១៣នាក់ របួស ៤០នាក់

បានផុស

៣៧ វិនាទី មុន

នៅ

ថ្ងៃសុក្រ ៥ សីហា ២០២២

ដោយ

អគ្គិភ័យបានឆាបឆេះក្លឹបរាត្រីមួយក្នុងប្រទេសថៃ នៅថ្ងៃសុក្រទី៥ ខែសីហានេះ ដោយបានសម្លាប់មនុស្សយ៉ាងតិច១៣ នាក់ និងរបួស ៤០ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីម្នាក់មកពីមូលនិធិសង្គ្រោះ Sawang Rojanathammasathan បានប្រាប់ AFP ថា អគ្គិភ័យបានឆាបឆេះក្លឹប Mountain B នៅម៉ោងប្រហែល ១:០០ រំលងអធ្រាត្រក្នុងស្រុក Sattahip ខេត្ត Chonburi មានចម្ងាយប្រហែល ១៥០ គីឡូម៉ែត្រភាគខាងត្បូងទីក្រុង បាងកក។

ក្រុមពន្លត់អគ្គិភ័យ ត្រូវចំណាយពេលជាង ៣ម៉ោងដើម្បីពន្លត់ភ្លើង។ ភ្លាមៗមិនទាន់មាន ការបញ្ជាក់ពីមូលហេតុបង្កឲ្យអគ្គិភ័យនេះនៅឡើយទេ។

អ្នកស្លាប់ ដែលមានស្ត្រី ៤នាក់ និងបុរស៩នាក់ ភាគច្រើនត្រូវបានគេរកឃើញនៅច្រកចូល និងក្នុងបន្ទប់ទឹក។ ជនរងគ្រោះទាំងអស់គឺជាជនជាតិថៃ។

មានការព្រួយបារម្ភជាយូរមកហើយ អំពីវិធីសាស្រ្តដ៏ធូររលុងរបស់ប្រទេសថៃ ចំពោះបទប្បញ្ញត្តិសុខភាព និងសុវត្ថិភាព ជាពិសេសនៅក្នុងបារ និងក្លឹបរាត្រីរាប់មិនអស់របស់ខ្លួន។

អគ្គិភ័យដ៏ធំមួយ បានផ្ទុះឡើងក្នុងពិធីជប់លៀងឆ្លងឆ្នាំសកលនៅក្លឹប Santika របស់ទីក្រុងបាងកកកាលពីឆ្នាំ២០០៩ ដោយបានសម្លាប់មនុស្សចំនួន ៦៧នាក់ និងជាង ២០០ នាក់រងរបួស។