ថៃ រកឃើញករណីទី៣ នៃជំងឺអុតស្វា

បុរសជនជាតិអាល្លឺម៉ង់ម្នាក់ បានធ្វើតេស្តវិជ្ជមានជំងឺអុតស្វា នៅខេត្តភូកេត ដោយធ្វើឲ្យគាត់ក្លាយជាករណីជំងឺអុតស្វាទី៣ របស់ប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកទេសចរអាយុ ២៥ ឆ្នាំរូបនេះ បានធ្វើដំណើរទៅប្រទេសថៃកាលពីថ្ងៃទី ១៨ ខែកក្កដាដើម្បីលំហែកាយនៅភូកេត។ ក្រោយមកដល់ប្រទេសថៃ មិនបានប៉ុន្មានផង គាត់ចាប់ផ្តើមចេញរោគសញ្ញាជំងឺអុតស្វា។

ដំបូង​ បុរសរូប​នោះ​មានអាការ​គ្រុនក្តៅ និង​ហើម​កូនកណ្តុរ​។ ក្រោយមក គាត់ចេញកន្ទួលលើប្រដាប់ភេទ ហើយរាលដាលពេញរាងកាយ ដូច្នេះគាត់បានទៅមន្ទីរពេទ្យនៅភូកេត ដែលជាកន្លែង គាត់ត្រូវបានធ្វើតេស្តរកមេរោគដោយម៉ាស៊ីន PCR។ នៅ​ថ្ងៃ​ទី​៣ ខែ​សីហា លទ្ធផលចេញមកគឺ​វិជ្ជមាន​។

គួរបញ្ជាក់ថា អ្នកទីមួយដែលធ្វើតេស្តវិជ្ជមាន ជំងឺអុតស្វានៅក្នុងប្រទេសថៃ គឺបុរសជនជាតិនីហ្សេរីយ៉ាអាយុ ២៧ ឆ្នាំនៅភូកេត ដែលរត់មកកម្ពុជា ហើយអ្នកទីពីរ គឺជាបុរសជនជាតិថៃអាយុ ៤៧ឆ្នាំនៅទីក្រុងបាងកក៕

ប្រែសម្រួល៖ Vann Vann

ប្រភព៖ Thaiger

ចុចអាន៖ រដ្ឋអាមេរិកមួយទៀត ប្រកាសអាសន្ន ជំងឺអុតស្វា