ព័ត៌មានអន្ដរជាតិ
ប្រមុខអង្គការណាតូ ព្រមានអំពីការគំរាមកំហែងរបស់ រុស្ស៊ី (មានវីដេអូ)
ថ្លៃចំណាយចំពោះការផ្តល់ជំនួយឲ្យអ៊ុយក្រែនគឺខ្ពស់ណាស់ សម្រាប់លោកខាងលិច ប៉ុន្តែវាអាចខ្ពស់ជាងនេះ ប្រសិនបើរុស្ស៊ីពង្រីកការវាយលុកទៅកាន់ប្រទេសដទៃទៀត។ នេះបើតាមការអះអាងពីអគ្គលេខាធិការអង្គការណាតូ លោក Jens Stoltenberg ខណៈលោកបញ្ជាក់ថា “សង្រ្គាមនៅអ៊ុយក្រែន កំពុងឈានចូលដល់ដំណាក់កាលធ្ងន់ធ្ងរហើយ”។
នៅក្នុងអត្ថបទវិចារណកថាមួយ ដែលចេញផ្សាយដោយកាសែត Financial Times កាលពីថ្ងៃពុធទី០៧ខែកញ្ញា លោក Stoltenberg បានអះអាងថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានបញ្ជាក់ច្បាស់ៗថា គាត់ចង់លុបប្រទេសនេះចេញពីផែនទី និងសរសេរឡើងវិញនូវបទបញ្ជាសន្តិសុខអឺរ៉ុប។ ដូច្នេះហើយ ការគាំទ្រអ៊ុយក្រែន គឺនឹងផ្តល់ផលប្រយោជន៍ដល់សន្តិសុខរបស់ប្លុកនេះ។
លោក Stoltenberg ពន្យល់ថា “បើរុស្ស៊ីទទួលជោគជ័យណាមួយនោះ រុស្ស៊ីនឹងមានទឹកចិត្ត ហើយអាចប្រថុយនឹងការវាយលុកបន្ថែមទៀត ប្រឆាំងនឹងប្រទេសជិតខាងផ្សេងៗ និងសូម្បីតែការវាយប្រហារលើសម្ព័ន្ធមិត្តអង្គការណាតូផងដែរ”។
ចាប់តាំងពីទីក្រុងមូស្គូ បើកប្រតិបត្តិការយោធានៅអ៊ុយក្រែនកាលពីចុងខែកុម្ភៈមក រដ្ឋបាល់ទិក និងប៉ូឡូញ បាននិងកំពុងស្នើសុំសហរដ្ឋអាមេរិក និងអង្គការណាតូ ឲ្យផ្តល់ការគាំទ្រផ្នែកយោធាបន្ថែម ដោយលើកឡើងពីការគំរាមកំហែងពីរុស្ស៊ីថាជាហេតុផលសម្រាប់សំណើទាំងនេះ។
ផ្ទុយទៅវិញ ទីក្រុងមូស្គូបានទទូចថា ការពង្រីកប្លុកឆ្ពោះទៅព្រំដែនរបស់ខ្លួន គឺជាហេតុផលមួយសម្រាប់ការវាយលុកនៅអ៊ុយក្រែន។
នៅក្នុងអត្ថបទរបស់លោក Stoltenberg, ប្រទេសលោកខាងលិចមាន ទំនួលខុសត្រូវខាងសីលធម៌ ដើម្បីបន្តគាំទ្រអ៊ុយក្រែន។ ប្រសិនបើរុស្ស៊ីឈប់ប្រយុទ្ធ នឹងមានសន្តិភាព ហើយប្រសិនបើអ៊ុយក្រែនបញ្ឈប់ការប្រយុទ្ធ នោះនឹងលែងមានជាប្រទេសឯករាជ្យទៀតហើយ។
ដូច្នេះហើយ អគ្គលេខាធិការរូបនេះបាននិយាយថា សមាជិកសម្ព័ន្ធភាពនឹងបន្តជួយដល់ ការធ្វើទំនើបកម្មអាវុធសម័យសូវៀត ឲ្យមានសមត្ថភាពស្តង់ដាររបស់អង្គការណាតូ ហើយឥឡូវនេះកំពុងរៀបចំគម្រោងថ្មីជាងដប់ ដើម្បីជួយទីក្រុងកៀវពេញមួយរដូវរងា។
លោក Stoltenberg បានសង្កត់ធ្ងន់ថា រយៈពេលប្រាំមួយខែខាងមុខ នឹងពិបាកមិនត្រឹមតែសម្រាប់ប្រជាជនអ៊ុយក្រែនប៉ុណ្ណោះទេ ប៉ុន្តែក៏សម្រាប់អ្នកគាំទ្ររបស់ពួកគេផងដែរ ដែលនឹងត្រូវបង់ថ្លៃ រួមទាំងការរងទុក្ខវេទនាពីវិបត្តិថាមពលផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ លោក ស៊ី និង ពូទីន នឹងជួបទល់មុខគ្នាផ្ទាល់ នៅសប្តាហ៍ក្រោយ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល